三少爺自己拍返的《三少爺的劍》

mike384

話說, 係呢個武俠片都差唔多成為歷史的年代, 幾年都未必有人肯拍一套, 但有幸地還在一班有心人.

今次三少爺爾冬陛肯重拍呢套《三少爺的劍》, 除了意義重大(主角變導演, 傳統武俠片再現江湖等...)之外, 拍出黎的效果也不俗.

首先, 我難得係MOKO睇, 好似第一次去, 係約100個座位的三院內, 開場時好似都只係坐了十零人左右.

有返D年紀的看官都可能知, 當年邵氏版的《三少爺的劍》主演三少爺的正是爾導, 今次轉演為導, 作了一次重新的演繹.

本身冇睇過77年邵氏版, 同年麗的電視版亦冇追, 古龍亦少看, 但原著還是知道一DD的我, 就咁入場去感受下呢套封面都甚為邵氏FEEL的新版.

開頭冇耐, 已被嚴重廠景FEEL的背景所吸引, 再加上實在的劍鬥, 我指實在, 係一劍劍的刺出, 身法, 擋格, 而唔係某大國咁, 下下無條件地出BULLET TIME.

演員嘛, 基本上係走樣衰=壞人的路線, 總之你見係靚仔靚女就係好人, 邪邪地個D九成係衰人黎.

而劇情安排上, 可以話係大幅收身後的原著, 大刀闊斧後仍算流暢, 當然有D部份見到有D拖, 但不失大體.

而係CREDIT中見到VFX係由韓國的DEXTOR DIGITAL擔當, 此乃亞州VFX名門, 但出黎的效果唔知係畀唔夠錢定乜, 略有強差人意之嫌.

整體上, 我畀8.5分, 但題材上可能只適合中坑, 舊派武俠粉絲, WELL DONE!!

Vigilante

我都是一個武俠小說迷。幾年前還在香港生活的時候，和家父翻看過劉松仁主演的陸小鳳、鄭少秋主演的書劍恩仇錄，真的令人嘆為觀止，同時亦為現今武俠影視作品青黃不接而感到痛惜。周潤發主演的笑傲江湖也看過，但毫不滿意。

mike384

Vigilante 發表於 2016-12-4 04:37
我都是一個武俠小說迷。幾年前還在香港生活的時候，和家父翻看過劉松仁主演的陸小鳳、鄭少秋主演的書劍恩仇 ...

笑傲江湖的劇的話, 會推介96年TBB製作, 呂頌賢做令狐沖個套, 故事較原汁原味, 演技都OK.
不過製作就有D唔夠筆直, 如桃谷六仙變了四仙...
如果唔喜歡原汁原味, 台灣2013年又整了套好創新的, 以東方不敗為主角的版本, 陳喬恩主演, 唔難睇但變了第套戲咁LOR.
個人較喜歡金庸, 笑傲, 天龍, 射鵰都好鍾意, 其中大陸製作人張紀中整的版本都算OK架, 不過係講國語LOR.

robot388

這套戲我會買隻3D藍光看看

kc275

有心人 , Like

kc275

robot388 發表於 2016-12-6 18:58
這套戲我會買隻3D藍光看看

Me 2