請教喇叭

koalaau

多單元其實易推極有限，細地方更易亂，如一般家居百尺上下廳，三路三單元夠用了。

真正三路如有10或12吋低音單元，細細聲都出到一浸浸低音，係非雙8吋再用箱谷出來所能比，不過好多人接受唔到喇叭太闊。

qaul以外有太多選擇，proac其一，d18二手萬五樓上，如加碼可以考慮。

樓主其實聽咩多，想改善咩呢，有冇諗過留喇叭換amp？

coody

koalaau 發表於 2016-11-23 15:27
多單元其實易推極有限，細地方更易亂，如一般家居百尺上下廳，三路三單元夠用了。

真正三路如有10或12吋低 ...

有呀，但換and要推得起對936我搵唔到合心水，要換老麥都要四萬，個款又十分不喜歡。主要聽流行曲。頭先間舖叫我可以加N.W.後級，就算唔牌子用返我部Creek做前級都無問題。但我覺得唔同牌子前後級會唔會有唔夾問題發生?

koalaau

coody 發表於 2016-11-23 17:01
有呀，但換and要推得起對936我搵唔到合心水，要換老麥都要四萬，個款又十分不喜歡。主要聽流行曲。頭先間 ...

睇過936有92db，推起唔難，但多單元始終要amp有好的控制力，我聽過友人一對triangle都係高靈敏但多單元，結果要用mono block才發揮得好。
936檔次唔低，要全面好過佢，二手萬五都唔易搵，用萬五升級amp都值得考慮。
如升級amp，你可放creek加碼換機，或加後級，前者可以選合併或前後級，後者就彈性較大，可將來再換前級，睇你想點玩。
不過萬五買單一部後級都冇乜好選擇，如唔介意二手就多野揀。

coody

koalaau 發表於 2016-11-23 18:56
睇過936有92db，推起唔難，但多單元始終要amp有好的控制力，我聽過友人一對triangle都係高靈敏但多單元， ...

多謝師兄耐心解釋，那我考慮回收936自用

koalaau

coody 發表於 2016-11-23 19:11
多謝師兄耐心解釋，那我考慮回收936自用

成套機喇叭最緊要。師兄最好聽真936是否啱聽，先諗加碼落amp度玩好佢。
如跟本唔對味，就無謂換機換線去就佢，玩另一對好過。

vegetadove

書架我用過Electra 906，試過用exposure2010s, 又試過用creek 5350 去推，其實都係麻麻地
後來轉了用tact 2175 去推，先叫做推得到Jm 高音的甜出黎
有次去聽朋友對926帶埋自己部2175，呢啲叫找死！部2175 真是推到想死，座地係高db, 但是唔等於易推d
但是自始又明白座地的低音，果種的鬆容自若，書架好難有，所以如果唔係無地方，真是聽座地好好多
書架要有座地的低音，我覺得好難，我聽得唔多只揾到的得dynaudio 的c1，elac 的602，eventus果對唔記得名
936 我認為仲大把有得去，creek d2 我未試過聽，不過我估係5350 的加強版啩？如果你認為佢推唔到936，不如換amp好過....
我自己最後係又換amp 又換了座地，一換就聽左5-6年了

koalaau

jm要8系以上先靚，focal的單元係靚野，如果其他廠牌買佢單元出同級喇叭，一定唔止9系個價，但烏托邦又太貴，細細粒鈹高音，最低型號都幾萬，我用yamaha ns1000m高音及大大隻中音都係鈹，今日二手價五六千。
jm係比較清爽，直白無味，如喜音色濃厚，配amp可選較和味品種。
這類對功率多多益善的喇叭，石機200w走唔甩，膽機80-100w起錶，一般幾十至百零瓦合併石機，係未能發揮。
我對1000m有91db，用60w山水合併都推到嘭嘭聲，但用200w石後推佢亦照單全收，只要部機有質素，大瓦數音色係唔會粗，只會提高控制力，你估二百瓦真係下下出二百瓦？一般情形只係出少少，就好似大隻佬搬貨，唔係件件都要出盡力，但佢會搬得輕鬆，而且要的時候佢有。

coody

vegetadove 發表於 2016-11-24 22:04
書架我用過Electra 906，試過用exposure2010s, 又試過用creek 5350 去推，其實都係麻麻地
後來轉了用tact 2 ...

其實我都覺得Creek D2真係一部好機，佢推對936雖然推唔足應有功力，但都感覺到低音有力，仲要一兩個鐘都唔覺腳軟。頭先去過原音問過部UNISON RESEARCH UNICO 150都係二萬尾，我上網睇過前膽純A類，後石AB類150W覺得佢入面好足料，應該都夾到Focal,但部純膽機S6得35W個sale 都話夠力而且會厚聲過150.如果要買返咁上下老麥都要過四萬。所以打算目標換佢。

koalaau

coody 發表於 2016-11-25 00:25
其實我都覺得Creek D2真係一部好機，佢推對936雖然推唔足應有功力，但都感覺到低音有力，仲要一兩個鐘都 ...

creek係抵玩，友人用50a推elac 147都夠力，音色好濃厚，但配更高級喇叭就有點局限，始終佢定位唔係高燒級別。
上網睇過Unisio Research Unico 150，我冇乜留意新機，都唔知這牌子的外觀由古典變得咁現代，唔講真係唔知佢係Unision。哩部睇落唔錯，細廠旗艦，制作應該唔會留手。
不過樓主由換喇叭變左加碼換amp，最好唔好心急聽多幾部，始終大拿拿萬萬聲，有排聽，我自己換野，做幾個月功課先出手。：p

vegetadove

Union research 我未試過，不過二手真是唔係咁hit, 唔啱的可能真是會機會有入無出，
倒不如找啲有二手的，萬一真是唔啱，都有個逃生門
如果想揾合併的可以試試
mbl 7008
Passlab xa30
Accustic art
常見人夾jm 的有金仔同老麥