大家睇下呢編文章~好有意義的

m600

早幾個月前我亦有反思這個問題，雖然我還未到康復階段，但正在努力改變中！...之前都試過放晒成套5D3，機連鏡！但之後又買返部6D... 因為真係沒有了，想影又無得影... 因為我不是影相搵食，諗諗下覺得無需要用這些貴價高型號相機和鏡頭，所以一次過賣掉！買相機又唔會送技術，其實一部用得過的相機已經足夠比自已慢慢去影！去找唔同既題材，才是正確！

我現在覺得適可而止便可以，相機是這樣！但CD/SACD/LP先開始慢慢減退，有時為了加強自已CAS個 music library 我會到二手CD鋪買d唔知係咩水既歌手，因為唔知佢咩水，所以當年無買！自已又覺得無咩價值，返到屋企rip左就會帶回公司pack箱！如上文所講，都唔知自已係'想要'定係'需要'！又正如上次環求那些SACD或兩次的SHM-SACD，我都開始無入貨！因為我有第一版CD，又有hybird SACD... 如果唱片公司不停咁出，真係破產都唔掂！

psb

psb 發表於 2016-11-14 13:51
恭喜晒師兄，你終於參透領悟，已經到咗更高嘅境界，鄧你開心 。其實人生所有一切都唔屬於我哋（包 ...

有感而發，借哥哥首"小明星"嘅一段詞..."才明瞭悠閒是最終福氣"，悠閒簡單就係福

Msuper

有 d 唔認同，每個人都有慾望_購物欲，正因為要努力賺錢去滿足購物欲/生活須要，然後才會努力工作，人生先有動力、推動力及意義。世上只有古代和尚、尼姑、傻人先至無物質欲望，當一個人去到無欲無求，生存不枯燥苦悶嗎？
另外，正所謂睹物思人，一件商品的價值可以令你記起一個人、一件事件、一個階段，一個人的記憶是有限的，一件商品可能令你勾起往年往事，有何害處呢？遺物的意義也是如此吧！CD 屬於娛樂消費品，當然不是必須品，但人沒有娛樂只有工作會點樣呢？行屍走肉？我自己認為適可而止及量力而為就沒有大問題。

當然購物欲也要自量，遠遠超出自己購買/償還能力，有些自己都無地方放置也要再買，當然不主張。有些物品如 CD, 物主10年也不會攞番只 CD 出來望一眼/播一下，禁你真係要思考下呢只 CD 對你仲有無須要呢？

takeishi

Msuper 發表於 2016-11-14 15:15
有 d 唔認同，每個人都有慾望_購物欲，正因為要努力賺錢去滿足購物欲/生活須要，然後才會努力工作，人生先 ...

  你未去到呢個LEVEL你係唔會明架啦.

你睇呢個傻仔儲左幾多個版本既LIKE A VIRGIN

psb

takeishi 發表於 2016-11-14 15:21
你未去到呢個LEVEL你係唔會明架啦.

你睇呢個傻仔儲左幾多個版本既LIKE A VIRGIN

哇喺，咁點夠你嚟，小弟至勁都係去到呢個 level 咋, 陰功。

許諾

takeishi 發表於 2016-11-14 15:21
你未去到呢個LEVEL你係唔會明架啦.

你睇呢個傻仔儲左幾多個版本既LIKE A VIRGIN

呢個係咪你? 有咁多LIKE A VIRGIN, 我以前有舖癮, 見唔同國家既IMMACULATE COLLECTION我就會買, 現在屋企大大話話有廿隻左右, 包括黑膠同MD.

但我其實呢幾年已退退地燒...... 正正是剛上來76網的時候.....

那時一天去左AV展....見到好多人搶首批號碼碟....然後見到呢度好多人一SET一SET咁買,
突然間叮左一聲, 其實買咁多一樣既碟做咩? 一張專輯廿幾個版, 其實都係個十首歌.

就是個陣時, 我開始買少左好多好多, 不過我覺得, 嗜好應該要有既, 但要理智D, 唔駛完全斬攬既 ~

m600

Msuper 發表於 2016-11-14 15:15
有 d 唔認同，每個人都有慾望_購物欲，正因為要努力賺錢去滿足購物欲/生活須要，然後才會努力工作，人生先 ...

Ching, 你都講得啱，這樣才有motivation! 這個動力可以另人更加努力去工作！如果唔係真係同條咸魚無分別

因為呢幾年唱片公司發行d碟真係好悶又唔好聽！又開始玩翻唱，把心一橫不如同d歌手整全集！我為了歌手全集的完整，砌好d歌去CAS 個度，自己做了個excel睇下有邊d碟係無，在網上或二手CD舖買回一些當年無入嘅碟，如：Alan 飛馬、克勤回環球年代部分碟... 攪完一輪感覺又幾完整之後 (即係買到無嘢好買)，就開始入d比較少人入的碟！如：何嘉莉、谷祖琳、傅珮嘉... 因為大路嘢發行時已經買了！有一日瞓醒，發現 'CD將我包圍誓死都一齊'... 原來自己有成二千幾隻碟！間房八成以上既櫃入面都係CD碟！無位比女友擺衫，間中會因爲呢d事同女友爭吵！唉，之後才把一些比較次檔的碟放在公司！

其實我只是想講做咩都要適可而止，如果over 就唔好！

hmsam

我覺得凡事適可宜止, 小弟都有舖儲嘢癮, 無論玩具, CD, 漫畫儲到成屋都係, 不過而家已經比之前買少好多了, 可能人大左心態上有改變, 其實我覺得隨著年紀不斷長大, 對物慾的睇法亦會唔同, 而家我會買少D, 寧願攞錢去同屋企人去下旅行, 起碼我覺得值得過用炒價買隻出到爛的特別版

Cheong448

許諾 發表於 2016-11-14 16:11
呢個係咪你? 有咁多LIKE A VIRGIN, 我以前有舖癮, 見唔同國家既IMMACULATE COLLECTION我就會買, 現在屋企 ...

當然唔係咪佢,師兄 此圖是我鋪上

外國某瘋狂碟友舖癮發作

窮小子

Msuper 發表於 2016-11-14 15:15
有 d 唔認同，每個人都有慾望_購物欲，正因為要努力賺錢去滿足購物欲/生活須要，然後才會努力工作，人生先 ...

  Msuper C兄 、 羊羊C兄 、 psb C兄 、各位 C兄 好...


窮小子 游翻上水面啦...  

☆★ 小弟 亦好耐未 消費過啦 ( 買碟 ) ,  只係最近 買過 1 只

     少少題外話   小弟 岩岩做佐  “  蘋果  ” 叛徒... 自己都有少少 估5到 !