Onkyo TX-RZ3100 旗艦級體驗會(會後討論)

小瑟

早晨各位昨晚見過的師兄好,

昨晚好耐都冇聽返ONKYO新合併AMP既聲了,  SHOWROOM個場以坐20個人來講, 一隻12"加 7.1.4的情況下, 小瑟覺得算係交到功課了, 估唔到原來都幾多版友因為對 JBL STUDIO580 想試試夾3100效果而來, 尋晚SETUP行FULL BAND, 以呢個音壓來講, 真係都冇野好講了....!! 第二場真係試左聽CAROL KING DTS HDMA真係最好聲.......而我自己來講, 最正絕對真係忍者雞2, 唔知大家又點睇呢????

** 最後我想講, 第二場的師兄影合照就比第一場的師兄正, 但第一場的師兄場內的互動同討論又反而比第二場好喎, 真係估你地班友仔唔到呢~~

pac

以一部合拼機計推十一隻喇叭有咁嘅表現當然交足貨。
加上支援HDCP2.2順利上4K無難度。
昨晚坐滿人一樣聽到定位準，分析力強，連貫性都幾好。
祗欠一D D衝擊力。無奈一隻DD12+又系唔多夠既

alanadc23

忍者龜2用邊段試 謝謝
(Post76 Android 手機版送出)

lamdog

小瑟，大家未食飯又趕頭趕命，係咁上下，如果下次第一場可以改7:30會更加好。

上年小弟都有幸出席Z900既分享會，上年我既comment好似係大概覺得Onkyo力不從心，又或者大家比佢既外型呃到，以為係旗艦機，但昨日試完呢部真.旗艦，真真正正覺得Onkyo回歸大眾，11.2聲道力水好夠，睇戲效果一流，可以聽得出各聲導喇叭既連貫性，同大場面都駕馭得不俗（當然可能加上有JBL配合），除左睇戲見得人之外，連聽歌氣氛都交足功課，第一場聽試左三種音效，覺得PCM既本現最好，後兩者雖然包圍感同氣氛好啲，但相對黎睇音樂就較為鬆散（呢個純粹係音效既問題）或者同香港主流演唱會四面台取向唔同，單面台既音效始終都係用番兩聲道較正路。（唔怪得胡小姐張碟得PCM）

有驚喜既反而係初試JBL既喇叭，外型坦白講普通得黎有啲膠，同HI-END 喇叭好似外型比下去，但正如中國人有句說話，人不可以貌相，睇戲固然係掂(聽講價錢仲好合理，不過唔知呢對係入門級定中級，因為全無認識），好有戲院個種Feel，古唔到聽歌都非常好，唯一唔知夾兩聲道既機表現如何？

綜觀尋日Onkyo X JBL 既分享會小弟就非常滿意，唔知大家有咩睇法呢？

最後亦都要多謝各大單位既安排，冀望Pioneer 901再有機會一試高下。
(Post76 Android 手機版送出)

louis001

第二場真係試左聽CAROL KING DTS HDMA真係最好聲....==冇介紹錯哩 呢首歌 如果你部機SET 得唔好 分分鐘試死好多機
真係要讚今次個場個定位SETTING 做得好好 好多頭頂音效同定位都做得相當唔錯 部AMP 真係算交足功課
部AMP 俾我既感覺聲底同以前安記好唔同 多左點細膩感 又少左以前安記既濃厚低頻感 但個改進係好
可能真係用class D既關係 另外不得不讚用DD12+ 黎做低音 可以將個音場個底做得好靚
今次呢部RZ-3100 真係有驚喜 期待下次可以攪 5100 純前或P記901

kowkow

我就覺得部3100力水仲有得去，若前置用LS 系列，發揮可能更好，用580感覺聲音欠缺質感，唔夠厚，低音爭啲，但好夠聲响，充滿整個房間

bigair

正如其他師兄所講，分析力，定位都不錯，不加後級有咁既效果，算好好啦，聲音取向同以前好唔同，現在的爽快左，我只係覺得中置未夠聲，可能俾人當了的關係，另外如果有15"十仔或加多隻12吋就正晒啦，係低頻個浸未夠，總括黎講入得過

最正絕對真係忍者雞2 << 絕對認同

bigair

忍者雞試劫囚車

yuppi

bigair 發表於 2016-10-27 13:22
正如其他師兄所講，分析力，定位都不錯，不加後級有咁既效果，算好好啦，聲音取向同以前好唔同，現在的爽快 ...

貓貓兄係時候入啦

matt88p

kowkow 發表於 2016-10-27 13:20
我就覺得部3100力水仲有得去，若前置用LS 系列，發揮可能更好，用580感覺聲音欠缺質感，唔夠厚，低音爭啲， ...

絕對認同如果用返ls係列會更加好