今日睇左(機器俠)。繼(家有喜事2009)後又一套港產片極品！

tennishk

今日睇左(機器俠)。繼(家有喜事2009)後又一套港產片極品！{:1_337:}
方力申同鄭中基既低能做作演技預左，但估唔到胡軍都係咁，
其實都可能唔關演員事，或者導演要求，又可能國內市場鐘意咁！
不過套戲既所為笑位完全笑唔出，好似80年代既笑料咁！
已經好辛苦睇左一半，最終頂唔順關機！繼上次睇(家有喜事2009)後，又一套睇唔夠一半放棄！
亦可以話係劉鎮偉繼情巔大聖又一套另我失望既電影！

datacoma

(機器俠)如果唔係有孫儷，我估撐唔到成套。
(家有喜事2009)就快D，半個鐘頭就熄機。
記得之後重有套咩(零零九)...嘩！一睇個牌頭...重黎！！見過鬼怕黑啦！

tennishk

(機器俠)如果唔係有孫儷，我估撐唔到成套。
(家有喜事2009)就快D，半個鐘頭就熄機。
記得之後重有套咩(零零九)...嘩！一睇個牌頭...重黎！！見過鬼怕黑啦！ ...
datacoma 發表於 2009-11-21 00:17

正如你所講，(零零九)見到個牌頭都唔想睇，所以我冇咁既勇氣睇。

朗

又一套係製作同創作上, 完全向內地市場口味投降既港產片.

faigoal

善哉、善哉、幾時先再有似樣港產片

tennishk

又一套係製作同創作上, 完全向內地市場口味投降既港產片.
朗 發表於 2009-11-21 00:57

所以我幾鐘意杜SIR拍既戲，唔講佢既戲好唔好睇住，但佢拍既題材好多時都肯放棄國內市場。

Maldini

聽完你甘講.........我唔開黎睇了 ...........對上一部戲,令我睇唔夠一半就攞番隻出黎係 "佐治古尼"嘅 '敵對同盟' !

dts6.1

我反而覺得(機器俠)OK！故事算完整，笑料又唔係胡胡鬧鬧果隻。只是電影大玩特技；但又力不從心，結果佢拍時又辛苦觀眾亦睇得吃力。另外段感情關係都拍得不俗。只是我個人認為孫儷 唔夠靚；怎可吸引度咁多人愛上她？甚至連冰冷的機械人都被她吸引？

朗

所以我幾鐘意杜SIR拍既戲，唔講佢既戲好唔好睇住，但佢拍既題材好多時都肯放棄國內市場。
tennishk 發表於 2009-11-21 07:26

Yes, 有料, 夠勇氣, 抵讚同拾卜既電影人!

datacoma

聽完你甘講.........我唔開黎睇了 ...........對上一部戲,令我睇唔夠一半就攞番隻出黎係 "佐治古尼"嘅 '敵對同盟' !
Maldini 發表於 2009-11-21 11:25

'阻住鼓黎'套[敵對同謀]都重還可以睇哂，[油激暗戰]就.......半個鐘比多佢！