西部名作翻炒~《The Magnificent Seven / 七俠蕩寇誌》

mike384 · 發表於 2016-10-17 09:04

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

相信有返咁上下年紀的觀眾一聽呢個名, 都會第一時間諗起尤伯連納, 占士高賓的勇姿, 但老老實實,小弟其實冇係戲院睇過60年代的原版《The Magnificent Seven / 七俠蕩寇誌》 , 只記得係租碟睇過, 印象都唔差, 但因為對原祖的七俠四義(七武士)更有愛, 曾經係戲院睇過兩次(電影節), 一直都輕視了呢套西部版.
反而對港產的民初版[忠義群義], 更有印象, 最近更有幸搵到美版的BLURAY.

不過雖然係咁, 小弟對西部片依然係有愛的, 尤其係奇連伊士活個堆通粉西部片.

今次見到都唔少大牌出演, 諗著爛極都有個譜, 重本地去了IMAX睇(MEGABOX), 但結果係有D強差人意了.

1. 槍戰可以都係60年代水平, 技術唔抵, 但冇乜新意. 可能有人會話西部片黎黎去去唔係PEACE MAKER就係WINCHESTER CARBINE, 可以有幾新意, 但如果睇過沙朗史東的鳳舞狂沙的人, 可能會明我講乜 XD

2. 演員唔差的, 各有其戲份, 但又真係冇乜火花, 反而來自東方高手李X憲做得唔錯, 但又未到有驚喜個隻(可能唔想太失真. CHRIST PATT集合了菊千代的怪性格, 但武力值更高(神槍手級別), 由頭帶到尾都算交足貨, 但反而覺得老大=丹素今次同套戲有D格格不入.

3. 音樂, 中年一輩的一聽首歌, 第一時間諗起的唔會係套戲, 而係經廣告公司ARRANGE過的香煙廣告歌~~~(當年有一隻係中樂版, 好好FEEL), 今次只播了一次(TIMING唔講了, 版本應該係舊的, 略嫌氣勢差了少少)

而其他時候的配樂叫做OK, 有一首都幾似首原曲.

整套戲, 我只能畀55~60分前後, 悶悶地冇野做, 想睇下大景大場面可以一看, 但唔好抱太大希望了.