Smartone...

Angelus

用SMARTONE 3年幾以來只能收而寄唔倒SMS(月費$298）⋯⋯每次遇到啲同事只用wechat都只能要以email回覆非常之唔方便（本人絕唔會安裝大陸Apps），所以打電話上客戶服務叫CS搞返掂佢，點知一搞搞咗一個月，接過客戶服務電話約5次，其中一次同我做咗半個鐘調查...問我一個月用幾多次短訊？問我點解要用短信？問我用短訊講乜嘢？點解要用短信？點解唔用wechat?屋企有冇人用短訊？係咪好想用短訊？問埋晒啲查家宅廢問題⋯⋯頭先突然收到CS電話佢同講基於安全理由我唔合資格使用SMS服務唔會開通SMS俾我用...我問佢乜嘢係安全理由但佢永遠唔答我叫我去投訴部...而我check過份合約係包SMS短訊服務但咁多年來都用唔倒而月費就照收究竟係乜嘢道理？


已經將客戶服務嘅錄音轉寄去消委會！



錢就照比咁多年但就服務就貨不對辦！
真係唔知道用SMS嘅資格難過入共產黨！

SonSon

路過好奇唔好怪我多事一問，睇完樓主既投訴, 唔係好明樓主想講D乜？ 用邊間供應商冇講？用邊款smartphone冇講？成日要用sms，點解3年只能收不能寄依家先出聲？打去cs要佢搞掂D乜？一般合約最多2年，明知有問題點解又續約？其他同事用wechat通訊你唔裝，麻煩一定係你，sms唔駛比錢咩？既然唔用wechat咪用whatsapp囉，我唔信你D同事冇人用？用得smartphone點解堅持要用sms呢？
(Post76 Android 手機版送出)

Angelus

SonSon 發表於 2016-10-5 02:54
路過好奇唔好怪我多事一問，睇完樓主既投訴, 唔係好明樓主想講D乜？ 用邊間供應商冇講？用邊款sma ...

俾咗錢包嘅服務但佢唔俾你用，俾時間佢搞搞（一個月）（多次查家宅），最後話你知你唔合資格使用短訊你覺得合理？（之前查家宅時佢講到話如果要開通短訊服務要有保證人去證明你真係有用同埋好想用短訊...我即刻心諗唔係呀我而家又唔去銀行按揭唔係去借錢，數碼通係咪痴咗線...）佢哋嘅理由完全係荒謬...

財街周街通街嘅cheap無限plan都然寄到短訊,smartone $298 6G plan反而用唔倒（iphone7)？
(我以前個垃圾384k plan每月都包10條短信之後每條兩蚊)

少用唔等於唔用，未打過999唔代表唔會打/冇機會打999！
好幾個係大陸嘅鬼老朋友都唔用WhatsApp用wechat，我係絕唔會裝大陸Apps，（十幾年前已發現所有大陸apps都有最少有3個後門）最後佢地搞左成粒鐘要用埋VPN先裝都用到whatsApp... 仲未計有啲老嘢唔用smartphone ...

總之唔係關多用少用個問題而係你俾咗錢貨不對辦，今日可以同你講話你唔合資格使用短訊難保他日佢又屈你唔合資格使用乜乜物物...
如果你咁都覺得冇問題嘅冇嘢好講...