從頭認識農夫︰由月下思到雙囍臨門

粗人敵卡

《富甲天下》

小弟覺得係農夫佢哋最唔得掂嘅大碟

sidetrack rap詞相對之前係差咗

富甲天下係金融海嘯後仍然逆境自強

u jump i jump同值到爆有少少交行貨feel

無問題反而係成隻大碟rap詞最好嘅歌

對社會上發生嘅問題別再視而不見

呢隻大碟又係有情歌，水準最好嘅係歡天喜地

寫得相當窩心，編曲係食軟雪糕嘅莊冬昕

正正常常之下幾耐聽

run cmd編曲中國風，略嫌太擦鞋

答案有三個同臭朋友係小弟呢隻碟最唔鐘意嘅歌

臭朋友寫得無聊，答案有三個真係好似農夫所講

格硬塞多一首歌入隻大碟

最後隻demo錄音雖然粗糙

但係農夫佢哋唱得好狂野，整隻碟呢首歌最驚喜

推介︰無問題、歡天喜地、.... [Demo]

粗人敵卡

《o'fama》

呢隻大碟可以話係農夫回勇之作

搵咗外國音樂人作曲

i believe u can fly rap詞少見狠辣

鬧盡人嘅虛偽

有番之前《月下思》嘅hardcore

眠眠rap詞香港人聽完係會心微笑

平時生活太多嘢忙，無時間瞓

dream girl未遇到理想情人

到找到之後嘅夢醒，略嫌旋律重復無太大變化

24對人生嘅反思，農夫寫嘅詞開始成熟

窮得只剩錢，一個失落打工仔同露宿者訴說生活辛酸

娛樂圈殺人事件有少少似廣播道Fans殺人事件

娛樂圈制度點樣扼殺人嘅靈魂

點題歌o'fama對樂壇幫過農夫嘅人致謝詞

後段真係好呃鐘feel

成隻碟水準好過之前富甲天下同風生水起

推介︰i believe u can fly、24

粗人敵卡

《奇蹟》

農夫喺CMD最後一隻大碟，之後同DJ tommy離開CMD

陸永、C君各自一隻CD

講C君隻CD先，偉大航道

大人講俾小朋友成長經歷

吹摯友發生喺酒吧有趣嘅小插曲

同方大同合作，方大同不斷唱「不太熟」

C君不斷吐苦水，效果唔錯

good people講普遍人對自己細路講一套做一套

rap along song

農夫依然堅持自己嘅音樂理想

陛永隻碟

寂寞是最無敵，中國風編曲

韓國勁舞權k pop style

好似陸永話齋，打入韓國女生市場

愛 不愛我

王苑之唱得幾似王菲

陸永喺首歌訴說被一名女子玩弄感情

光行紀陰謀論滿天飛，普遍人未必受落

問題兒童，以小孩角度

點出成人社會種種荒謬

點題歌奇蹟搵埋黃秋生合作

首歌講乜，家人永遠對自己最好

推介︰偉大航道、吹摯友、rap along song、愛 不愛我、問題兒童

粗人敵卡

《雙囍臨門》

呢個帖介紹嘅最後一隻大碟(其實skip咗農夫舉高隻手新曲 + 精選)

成隻碟農夫包辦曲詞

mastering喺美國STERLING SOUND

重新找到你少有唔rap，唱歌咁樣唱

唔錯嘅嘗試

複製人道出社會制度不容許有獨立思考嘅人

將每個人變成一個個「複製人」

hi auntie引用高登文化，作詞麻麻有少少hea

有型仕dj tommy有份編曲，turntable玩得型

雙囍臨門，結婚擺酒本末倒置，聽完令人哭笑不得

狼狗羊串盡樂壇將音樂人作品左改右改嘅荒謬

農夫喺首歌扮mc jin、LMF、24味同周杰倫

最後首同伴rap詞向哥哥首stand up致敬

送俾農夫fans嘅歌

呢個帖嘅小弟要寫嘅都寫哂啦

推介︰重新找到你、複製人、同伴