本帖最後由 manid903 於 2016-10-6 11:34 編輯
小瑟 發表於 2016-10-6 06:24 
我都係Beyond Fans來, 咁多個版我都有, 又點會唔知903兄的諗法呢.........而你亦講得好岩, 我作為76總版, ...
再次多謝版主分享及回覆,我都籍此分享我對beyond 樂隊大碟睇法
由永遠等待到最後的together ,基本上頭版cd 我都集齊. 也有部分大碟的舊有黑膠,唯獨他們的所謂發燒碟我只得一隻樂與怒SACD (買了極失望) , 印象中沒買任何精選,隨了那張繼續革命音樂會封面果張(因有幾首係音樂會live)
唱片監制, 對樂隊同歌手碟有一個很大不同的灌錄情況, 歌手唱片人聲推7 度,樂器聲得3-4 度( 鼓4,bass 5 ,結他4,合成器6) , 所謂發燒唱片更大鑊, 人推8 , 聲得2 , 所以基本上focus 把聲就叫發燒碟, 唱緊時你永遠覺得清唱中, 根本就唔好聽! 而樂隊碟, 話明樂隊當然focus 音樂多於人聲, 標準是人6 , 樂器4 (再拆鼓4,bass 5 ,結他5.5-6),好了, 定了大概標準,我們再探討d 歌同碟.
我大膽係度推論, beyond 於新藝寶時期錄音技巧,聲控,balancing 所有碟都不是beyond 想要的東西, 因為當時唱片監制( 唔講名,自己查) ,佢用了錄歌手碟做法去做一張樂隊碟, 那死得! 你開番隻歲月無聲(算rock)聽下, 家駒唱緊歌或一些music break (過門位), d 結他聲去了那裡,反而bass 搶高, 鼓聲更不用談( 由於鼓手問題, 大部分歌靠鼓機逐下按嚟錄,唔係打真鼓.其實聽得出的,註:是佢地前經理人自傳講的,唔係我吹出來,負責別找我,haha ) , 加上錄樂器聲擺位,直接地講,佢地個監制唔掂!
去了日本轉了監制, 用了leung邦彥, 人地係專業監制去錄樂隊碟,所以之後碟聽出嚟唔同哂! 一嚟mastering ,mixing 係日本靚錄音室,2 嚟夠哂經驗去做樂隊碟, 但繼續革命始終係佢地第一隻入日本市場的碟, 較日化, 運用樂器上keyboard 較多, 是由於喜多郎幫佢地編唔少歌, 其實這張碟音色錄製技巧應該唔差的, 至於係咪後期制作攞成個母帶印制出了問題就不知道了.
到樂與怒, 這被家駒稱為beyond 最好聲大碟, 你要知一個樂手叫好聲準則唔係什麼天碟沒噪音,而係樂器平衡, 結他effect 控制處理, 樂器擺位影響出來效果( 簡單說佢地係日本之前所有大碟出鼓聲的hi-hat 位是聽歌者的右邊出聲, 而正式鼓手打hi hat 位應該係左邊,錄樂隊大碟也應該從鼓手角度於左邊發聲,掉轉錄...當你坐係度聽歌, hi hat 應打在你左耳上你才可感受到樂手怎樣處理首歌演奏,可能講得深奧了點,但其實外國樂隊大碟,這就是1+1=2 定理) ,你聽番我是憤怒或樂與怒碟中是旦一首, 樂器聲也很出, 與歌者雙管齊下,music break 位互相替補, 唔會d 結他聲唔知去咗邊, 當然solo 位一定有結他聲, 但整體上, 你可同去日本前的新藝寶碟來比較會知我成篇廢話講緊咩.,講真, 佢地d 碟彈奏者, 樂材咪又係B記自己, 日本前後的碟唔應該相差咁遠, 你這就是監制同制作班底的功力了
其實beyond 除了樂與怒好聲, 隻Sound 都好好聲, 隻碟係美國做mastering, 錄製就唔知係咪係美國了.
就上面( 好聲準則 ) 你明我點解唔買佢地d 所謂發燒碟啦, 個種子(新記時)都做得唔好, 日本之後靠華納的加工制品處理,衰過原碟, 買嚟把(諗) 咩, 所以若果係情意結,找番佢d 舊膠儲下算了.( 別忘記華納的子公司就是前陣子sacd 同cd 介面撈亂歌手同歌曲單野的金牌大風, 所以我一向說華納d 野唔掂)
上星期有個朋友知我玩膠又喜B 記, 送了隻91 live 圖膠比我, 本己沒期望,聽了一次直情要鑲起佢, 等自己唔使再攞出嚟, 要聽攞番原裝DVD/cd 好過,你知咩事啦.講住咁多, 有時間或有新野再分享,  
另我見版主都常接觸玩樂器的有料的大哥, 例如jun ( 佢更加係出色鼓手), hifi 德哥 ....佢地都係夠哂經驗的音樂人及監制身份,對錄製band 碟, 個人大碟, hifi 碟, 點稱好聲? 佢地應該有一套專業睇法吧
正如家駒講過, 佢希望佢地beyond 感染力唔係在於fans舉牌,追車,買碟地盲目支持咁簡單, 佢係想佢d 歌迷由唔識聽變識聽再去指出佢地彈錯或不足的地方,呢d 先係佢想歌迷從佢地身上學到的東西! |
[複製鏈接]
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
樓主
發表於 2016-10-6 08:35
