Star Trek - 估唔到咁好睇

cowpang

雖然小弟三張幾,但之前係未睇個star trek,所以對佢係無情意結的
尋日諗住一係買隻變2,一係買佢啦,最後都係選左佢.同老婆一齊睇.
大家知道女士好多都唔係咁鐘意睇科幻片.我老婆一樣。但最後佢睇完第一句話
『呢套戲值得番睇』『但流情太快，下次睇真係要做筆記』……

畫面
以新片黎講,都交到功課,唔會有好明顯的雜訊。唔好以為太空片成日黑蚊蚊。呢套片都有好多白位光位，但都唔見有雜訊。相反,因為要跟番佢傳統的衣著同顏色，佢地d衫好沉色(應該唔關我架機事卦)。相對第五元素d色彩就豐富好多。
至於其他立體感同畫面構圖都算好好,但其實場景唔係太多的

聲效
佢地用近期較少用的dobly true hd.小弟各得包圍感唔夠dts好,又或者佢地d太空船科技好d,所以d引擎聲靜d.又對比第五元素一開場架太空船飛過的surround效果.係star trek就無乜呢d場面.最多都係最尾射下激光槍。
但只係無乜試機位，套戲做聲其實都幾指細,例如風聲，唔講邊場啦,值情感到d風壓壓埋黎,睇得我同老婆都好投入。
代表唔須要一定大場面大bass先叫好音效,最緊要係能叫觀眾投入。

內容
唔須要睇過star trek(無睇過更好)都可以睇,唔會睇到一舊雲的.
但開頭半過鐘進程真係太快,兩條主角的童年加埋都唔知有無三分鐘.唔係講笑.我老婆睇睇下問我『乜咁快大個啦？』
而其他第二線主角出場唔會太刻意,同埋佢地的個性都寫得幾出,你睇完會對佢地好有印象.因為要接合番以前d作品的人物,所以有好多人要出場.做到咁自然又故事好睇真係好難得

所以小弟各得呢套戲係超必買同埋可以用黎看門口

Frankie

我都同你一樣3張幾野未睇個star trek,聽你咁講我都想買隻睇睇,不過差不多3百蚊真係買唔落手,見有師兄放$240都有d性趣,不過又唔夠佢地快手,不知有無其他師兄想放呢?

lkljason

睇完你report好有興趣睇o下！
因為我都係3張幾野，但又係從未接觸過star trek既！

cowpang

我就係唔夠快
尋日出左兩隻,一出就俾人hold左

nigo12

幾個月前我喺element睇，因為消化唔切，有啲投入唔到。但我女友覺得好好睇，仲叫我快啲買Blu-Ray

chinchin

我都係戲院睇, 睇完同條女都二口同聲話 呢套嘢出 bluray 必買

mightyatoms

oh.. i also wanna watch too... but my boss said she is not interested on this kind of movie, so up to now, not yet bought it home... how to persuade her le??

Killyoukid

呢一集節奏幾好, 唔太慢

alexivy

睇完你report..want to buy one

cowpang

先斬後.....