《薩利機長:迫降奇蹟 》好人難做

chwch

非常好睇, 奇連伊士活寶刀未老
我比8分

alleelarry

day2013 發表於 2016-9-17 16:09
http://cfsjhscfsjhs.pixnet.net/blog/post/451873811-%E8%96%A9%E5%88%A9%E6%A9%9F%E9%95%B7%EF%BC%9A%E ...

現在用的電腦其實不能發聲，所以看TRAILER都只是看畫面……，單從文字又的確好類近，或許真的要再想一想才決定

ltho3k

Ching.套戲imax 效果如何?片長好似得個半鐘。

victor_wong

呢套好睇，估唔到聲效咁好，出碟可以再睇
(Post76 Android 手機版送出)

gashapon

我自己都睇唔少《Air Crash Investigation》, 所以對電影本身都有唔少認識. 講真我都有聯想到之前套《機密真相》 (因為大家都係講飛機發生了意外). 其實成件事(果次意外) 比盡15分鐘咩都講晒了. 所以入場都係睇"內心戲"為主.

其實每次有意外, 都係全方位咁去搵個原因, 因為一日咁多飛機飛來飛去, 如果係飛機的設計/保養出問題而導致意外, 則代表所有同款的飛機都要停飛, 搞掂之後先可以再飛. 加上其實好多時又的確係由於pilot操作問題而出意外, 因此一開始去將pilot當是"疑犯"都好正常. 做得pilot其實都預o左, 所以我又唔太明點解俾人查就叫"有壓力".

無記錯真實事件係飛機飛飛下有雀吸了入引擎因此失去了動力, 當時高度只有3千尺左右, 但manual的checklist (即出事之後機司跟住本書入面step by step咁做)則是模擬在3萬尺出事, 因此好多個steps根本無時間去做. 另外雖然事後模擬飛行去可以令飛機降落機場, 但最後卻發現simulation其實只考慮飛機本身是否可以到步, 但無考慮機內的人的安全, 所以最後都證明機司當時做了正確的決定. 不過我自己認為最終的目的都係找出原因, 防止同類事件再次發生, 而唔係針對某一邊將個責任推比佢地.  

mike384

gashapon 發表於 2016-9-19 14:21
我自己都睇唔少《Air Crash Investigation》, 所以對電影本身都有唔少認識. 講真我都有聯想到之前套《機密 ...

調查委員會的動機係正確的, 佢地應該客觀去查呢件事, 而唔係偏向某一方.
機長提出的論點亦都合理, 佢地亦冇拒絕, 最後亦認同機長的睇法.
至於機長的壓力, 唔單係佢自己做對或做錯, 一黎係初期證供不利, 二黎係如果判佢不當駕駛, 面臨的經濟壓力, 入面佢兩個女都未畢業的.

gashapon

mike384 發表於 2016-9-19 16:28
調查委員會的動機係正確的, 佢地應該客觀去查呢件事, 而唔係偏向某一方.
機長提出的論點亦都合理, 佢地亦 ...

我反而覺得要令機師"入罪" 其實係好難, 因為佢地有本天書比佢地跟d指示去做. 只講d 指示係模擬 3萬呎的高度出事而唔係佢地當時3千呎, 無野比佢地跟/ 無足夠訓練 佢地已經無事o左一半.

之前都有講我睇開air crash investigation節目, 其實好多出事的原因都係人的問題, 不過事後都係變成"訓練不足", 無train過呢個情況要點做所以唔可以怪晒機師. 最後end up又係本"天書"寫好d, 改良下訓練方法等等.

當然我自己代入主角, 假如當時真係出事, 比我第一刻都係最想救到全部人, 因為飛機基本上一有事就係會死. 我相信無人會因為怕唔跟指示事後比人告而寧願死吧. 我都明"揹保"期間, 始終未完全無罪又真係唔好受的, 不過制度係咁都無計啦.

TokyoFans0617

每次重覆既鏡頭，機長回憶既次數都會增加多一份緊張咁，加上人性既思考，睇完都係值得回味。

(新手，仲學緊點用文字表達感想>_< )

Hon

今朝睇完imax版。 正呀

改編故事其實最易搞 最難個位就係帶出個感覺 呢樣先至最考功力 唔係個個拍到 導演無返咁上下人生經驗都唔可以表達得咁全面

我覺得班委員會只係要人孭飛咁解 所以最後聽證會講講好啱 人無事 返而要用死物既證據黎令人招認 愈大既公司就愈無人情味

經驗豐富vs利益問責

如果你話機長為左家人怕無左份工 倒不如話佢唔想日後既乘客對航空業失去信心。私心上睇到係佢搞緊間公司 如果認就唔止屋企 而係佢整個人生對熱愛飛行好似白費一樣

英雄或狗雄唔係重點 只要做足本身已足夠

本來我都為片長而覺得唔值得去睇 但朋友講完後就入場睇下 的確係好值得入場睇

個人覺得最正既兩個位:
1。機長盡責既表現 就算點好晒人數都好 依然為呢個責任而唔想換衫

2。公開聽證會聽到真人示範原來用左17次黎當做證據 真係又好笑又可悲兼無奈
(Post76 Android 手機版送出)