《六弄咖啡館》人長大了, 就會改變, 但情......

Hon

" 我們每個人都有類似的青春"

" 但是卻有不一樣的人生"


(有興趣入場睇呢套戲既朋友, 記住聽埋片尾曲, 因為仲有彩蛋)
[youtube]Oi2261-l7nY[/youtube]

--------------------------------------------------------------------------------------------------------------------------------------

電影由原著小說改編而成.

故事好簡單, 都係一般青春愛情片, 但好似電影中其中一句對白一樣, 有不一樣的人生, 這正正是我未睇前都誤解左既睇法.

未睇呢套戲之前, 甚至開始睇到一半既時候, 都覺得同我鍾意睇既"那些年"一樣, 難聽D講句係"COPY"
但睇到中後段就明白雖然萬變不離其中, 但人生經歷跟機器不同, 人生係會出現無數咁多可能性, 機會等等而變得不同.

故事講述男主角暗戀同班女主角多時, 身為佢最好既兄弟就幫佢一把, 再加上男主角既努力, 令到女主角慢慢愛上佢, 亦開始拍拖生活.  與此同事男主角為單親家庭, 由媽媽晚上做護士工作默默地成長. 由於男女主角分別考上不同大學, 所以便要遠距離戀愛維持呢段感情. 但這便成為重點所在, 亦為結帶來傷感既結果......

整體黎講我好欣賞男主角既好兄弟, 我覺得佢除左幫助好兄弟之餘, 亦跟佢一同並肩作戰, 雖然最後都未能開解到佢, 但真心既朋友真係一個都足夠.

年輕所受既打擊有時候比真正流血受傷黎得更痛苦, 尤其是愛情及親情, 當同一時間來臨時就更加嚴重, 只要有一絲看不開就會更加難以抽離.


分數: 9 / 10

KwongD7689

超sad


見有人講小說同電影係細節上有好多差異, 雖然明白電影好難百份百拍返小說的內容
但有時缺少某d小節其實都幾影響深遠, 甚至會令觀眾對果幕不解

而芯蕊走後暗巷果幕, 我仲以為佢係被xx添...........但又話只係xx, 感覺上好似好怪, 如果只係她口中所講的xx, 反應有必要咁嗎?


而身為一名男性, 有時真係唔明白, 女生喜歡上男生係因為他的純真/勇敢, 她早就知道他是一個感性帶點天份的人, 唔係一個理性又勤力讀書的人, 但為何一齊之後就忘記當初為何喜歡他, 變得看重前途, 眼光要宏大, 好似要成為偉人咁...............


(Post76 Android 手機版送出)

Hon

KwongD7689 發表於 2016-9-12 01:17
超sad

暗巷嗰幕應該係想表達兩個人分開地區問題, 因為主角要第2日至去到陪佢.
同埋一齊左咁耐, 女角想點仲要講出口? 呢樣又的確係對一個受驚既女仔黎講有D嬲既.

女角梗係知當初鍾意佢原因既, 不過人愈大, 眼光愈放得遠既時候, 想法就自然唔同...

講得最啱就係人長大了會變呢個事實.

KwongD7689

Hon 發表於 2016-9-12 06:50
暗巷嗰幕應該係想表達兩個人分開地區問題, 因為主角要第2日至去到陪佢.
同埋一齊左咁耐, 女角想點仲要講 ...

唉…人的想法又點可能完全一致呢…

她可能想食日本菜，他想食西餐
就算兩人都想食日本菜，又可能一個想食壽司，一個想食拉麵，一齊食壽司都好，揀邊款壽司都無可能一樣啦…

正如陳奕迅的 “與我常在”
“除非你是我，才可與我常在”
兩人之間總有差距，分別，不同
但應該係求同存異，而唔係為此而嬲
除非一早就揀個想法，價值觀等都好接近的對象，但如果係咁，當初就唔應該揀男主角，或者揀羅傑會更接近吧…

(Post76 Android 手機版送出)

Hon

KwongD7689 發表於 2016-9-12 20:47
唉…人的想法又點可能完全一致呢…

她可能想食日本菜，他想食西餐

呢D就係青春囉.

選擇有好多, 唔應該為選擇而後悔, 懊惱, 只因人成長後好多野都改變左, 情... 亦一樣.

KwongD7689

Hon 發表於 2016-9-12 21:43
呢D就係青春囉.

選擇有好多, 唔應該為選擇而後悔, 懊惱, 只因人成長後好多野都改變左, 情... 亦一樣.

明白的.......只係個結局太sad了

天意弄人!!!!!!!
(Post76 Android 手機版送出)

Hon

KwongD7689 發表於 2016-9-12 23:24
明白的.......只係個結局太sad了

天意弄人!!!!!!!

其實係某程人既人生一部份...

佢SAD得黎其實都可以當係反思一部份.

kyoleung

認同呀~ 真心既朋友真係一個都足夠

Hon

kyoleung 發表於 2016-9-21 23:44
認同呀~ 真心既朋友真係一個都足夠

人大左, 望返以前識既朋友, 其實有幾多真係真心可以做到真正朋友, 有時都幾感慨

kyoleung

Hon 發表於 2016-9-22 09:19
人大左, 望返以前識既朋友, 其實有幾多真係真心可以做到真正朋友, 有時都幾感慨 ...

時間這個 隔沙，能留下來的朋友，都是好朋友啦。

有時，先要問自己有冇努力過去維繫。

若果自己有，對方冇，就冇緣分啦。

我都會感概。

我喺好情緒化嘅人。有時諗下只能安慰自己，人生喺一個旅程，佢地喺我旅程中陪伴過我，給我經歷，就差不多了。