《點五步》熱血 還 熱血, 但都唔好過亂...

Hon

熱血電影對港產片市場黎講一定唔係主流, 所以唔會太多人去留意, 宣傳之類既活動就要做多D黎引人睇至得.

故事好簡單, 就係一個唔多人知及唔普及既真人真事改編故事.

整體黎講除左講棒球之外, 其實都好多想當年, 以及所謂那些年既情節包含住.
背景上其實對故事都好重要, 因為我都係一個7尾8頭年代出世既人, 內裏所講既所有政治事情都好明白, 但我反而覺得運用上好似有D亂同埋散.

亂既地方就好似細個作文咁, 將一大堆野寫晒入去, 但除去而成既故事變得有點顧不到前後.
散就係佢有一種其他國家對熱血題材所加入既特別元素佢都用左小量, 出黎效果就變得唔知點咁樣.


男主角叫做林耀聲, 唔知大家對佢有無印象, 其實佢都拍過好多同類青春片或港台節目.
由佢黎帶出整個故事既重心意思做得唔錯, 除左外表討好合適拍青蒽電影之外, 今次拍住另一個男主角胡子彤所帶出既對比做得幾好, 希望日後佢可以做多D其他類型既角色, 因為睇佢拍學生或年青人都幾左好多年, 希望佢可以衝出黎作多D大膽及新穎既角色, 只好再咁單一發展落去.

另一個男主角叫做胡子彤...
睇返資料至知佢係現役香港棒球隊隊員.
唔知點解, 我覺得佢做得好過林耀聲, 唔計大家各自發揮既演技, 响嗰個年代真係有好多佢呢種青年人, 雖然話演學壞角色只要覺得佢衰就得, 但其實有好多細位佢係做得好好, 例如屋村內既兄弟/手足情義, 一齊玩一齊成長一齊學習既經過都好淋漓盡致, 又或者佢唔係拍戲出身, 所以小左一份負擔.

棒球活動對香港黎講真係好冷門, 好似足球等大型多人識既運動都得唔到政府重視, 咁可以諗到呢項運動更加唔駛諗咁多.  記得中學時候PE堂玩過一次棒球, 同班同學方面就真係唔多人鍾意, 佢地玩兩下就去踢波或者打籃球, 但自己其實對投球都幾有興趣, 阿SIR嗰時都話過我適合玩呢類運動, 但可惜只要睇香港運動既投入度同埋自己現實情況黎講就知無可能, 所以到現時大個後都對呢類熱血電影抱有一個致敬及欣賞既角度入場支持, 希望日後除左呢類電影可以帶動香港電影之餘, 亦希望會有更多新鮮及特別既電影題材可以上畫...

加油! 香港!!


評分我會俾 8 / 10


多謝大家欣賞

chakat

上個星期日和家人看了，剩餘仍上影的戲院已經不多，時間也不大好。。。但因為家人中有當年基覺小學（戲中改了基覺書院）的同期舊生，所以一定要入戲院支持一下！我唔係基覺學生，但小時也在沙田成長，可惜看到片了中拍攝到沙田的地方其實唔算多，校舍更非原址，可能這十多二十年來，沙田也變了很多，很多地方已經不能原址拍攝。。。但禾輋的井型公屋仍在，也是我小時和同學留連的地方、元洲角、瀝源的桌球室、道風山十字架。。。整套給我那份七八十年代的回憶多於熱血。。。，那份中學生的生活及經歷有點似看港版的「那些年」，相信編導也做了很充足的資料搜集，是一部很有誠意的作品！當然只有二百多萬成本拍成的電影（很多電視廣告不到一分鐘也要用上百多萬製作），提共了一份香港人需要的本土情懷，對現實不願低頭的熱血精神和有趣的故事，真的很值得大家入場支持一下！