《軍火狗》惡人自有惡人磨

mike384

老實講, 入場前並不太期望, 導演之前拍的醉爆系列實在係不敢恭維, 可能係自已向來唔太識欣賞美式幽默.
不過因為套片的題材, 都係入了場睇.

主角係兩個生面口的後生仔, 一肥一瘦, 其中瘦記得係新神奇四俠入面的橡膠人, 印象亦不甚好, 肥仔更加係唔識.
驚喜係個女主角幾正~~~

電影冇幾耐後, 發覺導演其實係想拍笑片, 都有唔少笑位, 有d位啦, 都真係幾有趣的, 兩名主角的低學歷, 人生經驗不足好多時都係戲中成為了笑柄, 而個間公司入面的個張疤面剎星的大海報, 更令我呢位中年人發出會心微笑, 心諗, 原來都真係有人好學唔學想做Tony Montana架wor, 重要係佢老家Miami.

Miami都真不愧為罪惡之城, 從scar-face的Tony, 後少少的米高曼的電視劇miami vice(港譯:神探勇闖罪惡城, 後來有電影版添), 再到尼古拉斯基治的戰爭之王...唔係走粉就走槍, 都米話唔熱閙.

而故事雖然話係真人真事, 但睇返維基, 似最大個單野之外, 都有不少係老作, 有機會都想睇返篇原文.

套戲不過不失, 我畀6分, 主要就係講有兩位不學無術又冇底線的年青人, 如果利用另一班道德怪的所謂良心去賺黑心錢的故事, 而相比同類電影的戰爭之王, 會有多少零碎的感覺, 當然係演員陣上亦冇得比, 不過就可能會更適合年青一輩睇啦.

realworld360