《真.哥斯拉》~~~~ 乜哥斯拉唔係主角咩??

SonSon

呢套哥斯拉係老闆指明要睇, 本身都算日劇日影控只係對日本技術仍停留係特攝有D保留, 睇返進守擊的巨人已想死 . 不過呢次有石原里美, 其中一個我認為係靘既女藝人, 另外一個就係北川景子 , 大家要留意石原里美罕有哋係銀幕上露出事業線, 唔怪得連對白都要自嘲 , 再加上竹野內豐同長谷川博己兩位型男及眾星雲集, 當係捧吓場咁啦.







其實奉勸各位入場前要有心理準備, 開場頭十幾分鐘已話比大家聽, 其實哥斯拉唔係主角黎架, 呢套其實係講緊日本政治生態既電影!!! 當政府發現東京灣有異樣時, 政府內閣就不停咁開會對策, 亦因為當中涉及唔同官員同學者, 所以開會地點因應對策部門而不停轉換, 其實又咪係個班人開會 , 因哥斯拉重未出現過, 加上大家為咗唔想影響自己政治前途, 往往互相卸責, 經常以法律條文冇列明為由或怕群眾會追究責任等原因議而不決. 最好笑為自衛隊開一槍一火都要不斷請示上級, 乜嘢都要總理最後決定, 當開火一刻又因為一婆婆未逃離現場而放生未完全進化既哥斯拉種下惡果, 可以話日本政府作風幾咁官僚主義幾咁怕野上麻煩 . 而外交方面又往往比美國食住, 連美國要投核彈係東京都冇得say no, 反而去諗經濟損失有幾大, 點樣疏散民眾都唔會去諗點解決哥斯拉



呢套哥斯拉相信係最唔似哥斯拉電影系列, 亦相信只有日本先會拍一部政治版哥斯拉, 不過話時話, 當主角哥斯拉變咗外星侵略者, 當片名改為 : 真. 天煞反擊戰, 亦唔會影響電影含意, 所以話哥斯拉跟本唔係呢套片主角呢....奉勸家長想帶小朋友入場前要三思

xianglan

alleelarry

我睇個場既大人細佬都悶到瞓著個只……

SonSon

alleelarry 發表於 2016-8-29 16:24
我睇個場既大人細佬都悶到瞓著個只……

開場時附近D小朋友好雀躍㗎，但散場時已鴉雀無聲
(Post76 Android 手機版送出)

mike384

SonSon 發表於 2016-8-29 17:26
開場時附近D小朋友好雀躍㗎，但散場時已鴉雀無聲
(Post76 Android 手機版送出) ...

***注意***以下有少少劇透:



呢套的主線係政治, 講出唔同立場的政治家係處理事件上的分歧, 其實見到庵野秀明四個字, 都明顯唔係兒童向啦.
哥斯拉係戲入面係一個引子, 對於故事入面的人物黎講, 係一場人類未經歷過的新型災難, 當然亦有可能如戲入面所講, 係超生命體出現的一個序章, 呢個當然就要睇續集拍唔拍得成了.

alleelarry

SonSon 發表於 2016-8-29 17:26
開場時附近D小朋友好雀躍㗎，但散場時已鴉雀無聲
(Post76 Android 手機版送出) ...

入場前見到咁多細佬，心裡早有預備，但無諗過隔離個位電話先生，肯中途離場

alleelarry

mike384 發表於 2016-8-29 17:35
***注意***以下有少少劇透:

同一個情況出現係，另一套等左廿年先拍真人版既《機動警察》，本來既主打，英格倫實則係一件好大既道具……

SonSon

mike384 發表於 2016-8-29 17:35
***注意***以下有少少劇透:

記得好似講過只係凍結哥斯拉活動一段時間，之後哥斯拉會再啟動，所以預咗會有續集。 但係想問吓結尾影住哥斯拉尾部有好多疑似異形既物體唔知代表乜？
(Post76 Android 手機版送出)

SonSon

alleelarry 發表於 2016-8-29 18:24
同一個情況出現係，另一套等左廿年先拍真人版既《機動警察》，本來既主打，英格倫實則係一件好大既道具… ...

其實機動警察真人版出完TV版重有冇電影版完結篇？
(Post76 Android 手機版送出)

alleelarry

SonSon 發表於 2016-8-29 18:44
其實機動警察真人版出完TV版重有冇電影版完結篇？
(Post76 Android 手機版送出) ...

有，劇場版同導演加長版，後者有全景聲！