災難片: 《真．哥斯拉 》VS 《屍殺列車》 不劇透

CMH969

好耐冇出觀後感...趁今日有空, 朝早睇怪獸, 晚上睇埋喪屍, 一齊寫吧！

之前有看過有位ching寫《屍殺列車》觀後感, 所以有備而看. 結論:

故事性: 兩部都是災難片, 而且主要都不是以主人婆(怪獸/喪屍)為中心, 反而妹仔(國家/情)先致重要. 但故事算完整了, 兩個都故事都鍾意. 再者, 兩部戲之劇情推進都有計算過(差不多每25分鐘左右即轉高/低潮)

特技: 怪獸片, 只怪獸都是典型的日本特攝特技(即是有D假假地, 但我是飲日本奶水大的, 習慣了！); 喪屍片, 特技化妝冇西方的咁複雜(即爛口爛面, 流出內臟等等), 我問返自己鍾唔鍾意咁樣造型....OK啦！當韓國特有造型吧！

拍攝: 怪獸片有D鏡頭幾喜歡, 如由怪獸只腳角度向外影, 大wide shot影住4架亞柏奇圍怪獸, 令我覺得好真實; 喪屍片內有D shot特登影喪屍衝向人群都係好真.

整體: 我自比較喜歡怪獸片, 因為新鮮感強過喪屍片(雖然怪獸片是舊酒新瓶！), 不是怪獸一味打打打, 有深層次意思(原來日本仔都幾唔鍾意美國大佬窩..嘿嘿！). 而喪屍片此終由康城影展迴響至今, 好多人好期待, 但自己覺得, 咪又係一套典型韓國片, 之前的《海雲臺》什麼《救火108》都是大同小異吧, 香港咁成功, 都是拜片方宣傳做得好, 而且排片又排到觀眾冇得選擇, 真係好野！

點都好！兩部都是好片, 希望ching有睇過我之愚見, 都入戲院支持啦. 多謝！

alleelarry

我都係飲日本奶大既，出黎打工搵錢都係要貢獻比日本仔……比個五黎

《哥斯拉》的確係包含了唔少「政治」色彩係入面，尤其係對美國人方面添，就好似美國片對俄國個D咁

CMH969

alleelarry 發表於 2016-8-28 15:04
我都係飲日本奶大既，出黎打工搵錢都係要貢獻比日本仔……比個五黎

《哥斯拉》的確係包含了唔少 ...

alleelarry ching, 先比個5你先....yeah!!!

其實我冇諗過日本仔會咁明示唔鍾意美國佬, 以為重係兩兄弟關係添, 點知...都幾好笑！

alleelarry

CMH969 發表於 2016-8-29 18:59
alleelarry ching, 先比個5你先....yeah!!!

其實我冇諗過日本仔會咁明示唔鍾意美國佬, 以為重係兩兄弟關 ...

其實好少見日本電影會咁正面講呢D，反而崇美既就好普遍，總覺得個「真」字唔係胡亂咁加上去！