人類比哥斯拉還要可怕：《真．哥斯拉》

alleelarry

前言
由 1954年到 2016年，由黑白到彩色，由模型到電腦特技，由「完結篇」到「重啟」，由東寶到荷里活，再由荷里活到東寶；假如你打算入場的話，建議你看畢這一篇，這一套大概只有兩極化的感覺，在我而言是十分棒的，但對太太來說就悶到極點！

入場前先要了解自己
先問問自己以下幾個問題：

• 你是不是《哥斯拉》粉絲
• 你是不是《新世紀福音戰士》粉絲
• 你是不是 「庵野秀明」粉絲
  

以上全「是」的話，恭喜你！保證你看得津津樂道，但只要以上一條是「否」的話，那要想一想才好！



看後感
以我所知，日本語中的「新」與「真」的讀音同為「SHIN」，所以 SHIN GODZILLA 大概就有兩個義意，就是全「新」的「真」哥斯拉！電影雖名為哥斯拉，但其實它只擔當了配角而已，主角就是庵野秀明所帶領的三百個演員。與荷里活既災難式電影有一個共通點，就是國家主義相當重，找著數的必定是外國人，在危難中團結的就只有自己的國民。作為宮崎駿徒弟，電影充滿了人類對環境破壞的控訴，是十分容易理解；相比之下，庵野所用的技巧沒有師傅的顯淺易明，得要花點心思才可消化。電影與前作沒有任何直接關聯，有沒有看過前作沒有關係，完場後亦沒有一絲「彩蛋」，但用上了經典配樂，不趕時間的建議你留到最後，這也是對製作人的一份「尊重」。

∇ 電影中出現的戰機，大多都是貨真價實的（並不是所有境頭），倍添真實感覺，只要你看罷字幕，不難發現眾多的嗚謝。



∇ 電影配樂因為要配合「真」這個主題，每當哥斯拉出場，用的就是昔日最經典的背景音樂；到人類出場兼要做決策時，用的就是向《新世紀福音戰士》致敬的背景音樂，主要作曲的當然就是鷺巣詩郎本人。



∇ 鏡頭運用跟本就是庵野秀明的特色，定格、低角度與及大量的大特寫。



∇ 今集出現的哥斯拉是屬於史上最高的：118.5米，接近進擊的巨人兩倍左右。



Conclusion: 人類比哥斯拉還要可怕
這是電影中一個配角既對白，但個人認為就是電影所想帶出既中心思想，大肆破壞既哥斯拉，畢竟是由人類所一手造成；沒有核武，何來哥斯拉！還有在危亂時，人作出的決定還是會以從中找到利益為依歸！

後話
這套電影是百份百「大人向」的，過多的對白兼沒有粵語配音，千萬不要帶子女入場觀看，因為要解釋跟本解不來，真的要解就肯定會影響我這些要投入的觀眾。還有不是粉絲的也不要入場，否則會悶蛋到，電話打入就很想接聽，有 Whastapp 留言就馬上要睇。坐左我旁邊的那位爸爸，給我倆責罵了兩次，在難擋對他來就極之沒趣的電影，最後踏上了「中途離場」這一條路，那又何必呢？

kl122002

我淨覺哥斯拉對手細左少少 , 可以大翻少少?

粗人敵卡

聽日睇

不過小弟未算係《哥斯拉》fans

係因為庵野秀明去睇

keke323

雖然我都幾喜歡歌斯拉......但呢套未必入場睇

keke323

唔知點解我覺得呢隻歌斯拉個比例怪怪地.....可能真係隻手細左 d
同埋點解係手掌向上

mike384

都會去睇的.
嚴格黎講三樣粉都唔係, 先講EVA啦, 夾夾埋埋睇唔夠兩集(當時屋企有有線要幫朋友錄帶), 雖然個別設計唔錯, 但套野神神化化扮高深外唔知佢想點...所以一直冇心機會睇返.
至於庵野, 其實佢早期的同人作品如DAICON系列短片, 愛國戰隊呢D, 到開GYNAX後的如GUN BUSTER, 宅男的VIDEO我都睇得好過癮, 係去到EVA後先冇再睇佢的作品了, 配音的風起了就唔計啦.
總括黎講, 要比押井守好睇好多了, 押井個種風格真係畀佢悶親(當然都係一種獨特的表達方式, 有人鍾意的)
最後到哥斯拉, 粉就未算, 幾十年來東寶加美國拍過咁多套又唔係套套都睇哂(加埋十幾廿套咁啦), 其中有好有唔好LOR, 如哥斯拉VS大飛蛾莫斯拉(初版, 再版都好), 到平成年代的釋由美子(少少粉咁啦)的機械哥斯拉都好好睇, 嚴格講, 我喜歡睇哥斯拉的對手多過呢隻野啦.

alleelarry

kl122002 發表於 2016-8-27 06:45
我淨覺哥斯拉對手細左少少 , 可以大翻少少?

電影中設定係由魚形態，急速進化而成，手臂太大的話，或許是科學上既不合理！

alleelarry

粗人敵卡 發表於 2016-8-27 07:18
聽日睇

不過小弟未算係《哥斯拉》fans

能夠接受到導演一向大量既對白的話，也可看到尾

alleelarry

keke323 發表於 2016-8-27 09:17
唔知點解我覺得呢隻歌斯拉個比例怪怪地.....可能真係隻手細左 d
同埋點解係手掌向上  ...

只手向上係同你講：快D比錢入場睇我啦！

alleelarry

mike384 發表於 2016-8-27 09:34
都會去睇的.
嚴格黎講三樣粉都唔係, 先講EVA啦, 夾夾埋埋睇唔夠兩集(當時屋企有有線要幫朋友錄帶), 雖然個 ...

庵野自EVA開始，開頭的確不錯，但總係埋唔到個尾……，還好呢套無呢個問題！