[定の影評] 《點五步》無劇透

阿定

其實自己好少睇港產片，老老實實，如果唔係盧校長，我唔會買飛睇，不過睇完又真係幾好睇，怕大家因為不必要的傳聞，影響入場的決定，所以以戲論戲，講番兩句！

以一套商業電影來講，10分我比7分，唔見左的3分係

• 頭尾兩分鐘其實唔應該加上去，感覺怪怪的，唔太夾。
• 技巧明顯幼嫩，減低左投入感。
• 沙燕之歌係九局下半時播會更感動。
  

但如果當作由導師帶領學生一起完成的習作來睇，我比滿分，先以拍攝的技巧同電影語言來講，有唔少位可以做番日後的教材，大量設計過的好金句，雖然金句有點too much, 但你一樣會BUY, 會比佢感動到，睇晒片尾的名單，你會發覺其實好少人手，拍得到呢套戲出來其實真係好唔簡單！

講番少少套戲，唔識棒球對戲情無影響，只係會欣賞唔到比賽中的細節，本身唔係一套運動電影，所以唔駛太擔心，呢套雖然係真人真事改篇，但改動都真係好大下，大家唔好同真實發生的事情去做比較，完全無可比性，戲入面有大量屋村仔先會明的場景，真係明就明，唔明就唔明，睇你童年係點過，如果你本身係沙田友，又係8,90年代的人，你真係認得到係邊間女校，幅牆係邊，公園係邊，連天龍精選都有，製作真係好認真，值得稱贊。

P.S.: 電影好唔好睇，同錢無關的，呢類題材電影，無明星，唔係賣低俗，你唔睇，就更加唔會有人願意拍，電影上到畫唔一定有錢賺的，你拍完都唔一定有發行肯同你上，叫好唔一定叫座，對電影業無知唔緊要，但自己的無知讓自己失去一個欣賞製作用心的港產片，實屬可惜，香港電影業，贏就一齊贏，輸就一齊輸，誰說低成本就唔可以係好電影，你要贏定係要輸？

tennishk

似唔似台灣套KANO.
KANO我就好鍾意。

阿定

tennishk 發表於 2016-8-27 21:56
似唔似台灣套KANO.
KANO我就好鍾意。

無睇KANO，比較唔到！

cryo

Kano係賣真熱血棒球魂，很大編幅放落球賽本身
呢套係借真實棒球隊帶出一啲信念，再加一點那些年，重點不在球賽本身，本質有點分別
套戲絶對合格以上，再加上呢套戲係欠缺資源下完成，實在值得支持

gordon98

尋晚睇咗，確實係唔錯，值得入場支持純港式電影，尋晚係星影滙仲有幾位演員親身謝票添