Ultimate HQ CD ...玩好聲？玩調聲？定玩花招？

chakat

時常聽各Ching話HQ CD有幾好幾好。。。也有持相反意見的。。。各有說法。。
貴又真係好貴下，但都買來試試吧！市場已經冇咩新碟出,唯有期望舊碟真的有點驚喜吧!所以真金白銀買了,兩張也剛聽完。。。但近六百大元卻換來失望和疑惑 單以個人喜好而論。。。。外語的那張較似樣。。。林小姐那張真是...一直有追隨林小姐的聲音。。小時候也有買她的碟。。但這張久違了的作品。。。點解聽落有點唔妥？連太座大人都話有D陌生 （是我現在的系統唔夾，還原能力有問題嗎？），碟裡還原出來的聲音,不但乾澀、偏薄聲，更加少了應有的感情，這是高清的代價嗎？還是我們這些只擁有入門級器材的樂迷,不能享受這些高科技產品呢?......反而張試音碟可能因為唔熟D歌，反而覺得冇咁大問題。（純個人聽感，不喜勿插，只想以用家觀感分享吧了。。。）

WCHK

個制式最多只可放入10蚊, 無論用什麼才料造CD, 什麽 remaster , 都其實得10蚊.

如果自己覺得10蚊都好夠聽都無所謂, 但最慘係原來連10蚊都無. 所以唔係UHQCD或XRCD或SACD嘅問题, 而係入垃圾, 得垃圾.

lamwaikit007

WCHK 發表於 2016-8-25 08:40
個制式最多只可放入10蚊, 無論用什麼才料造CD, 什麽 remaster , 都其實得10蚊.

如果自己覺得10蚊都好夠聽 ...

你說得誇張了。

除非你有晒數字上的證據，否則我一定唔會相信你所說。

WCHK

lamwaikit007 發表於 2016-8-25 09:03
你說得誇張了。

除非你有晒數字上的證據，否則我一定唔會相信你所說。

網上有大量討論不同制式比較, 想信邊樣咪邊樣.

kinghung

每次新野出總有班人吹噓吹捧，咁我多數會買來試下比較，但好多時都未如理想，咁個班人就會話係你套音響系統未夠班而已，先聽唔先有幾好聲，哈哈，每次都係咁，唔信你試下就會知，好似呢班人咁講，真係唔好聽音樂買碟了，原來唔係頂級張碟既優點係表現唔到出嚟！？咁要幾多錢買套機先可以？又有好多人可以afford到？
(Post76 Android 手機版送出)

PP-HK

睇過網上有幾個人話林志美張UHQCD好正, 但原來也不是一面倒的好。之前跟幾個朋友玩CD盲測, 大家攞幾隻同版本但不同制式的CD比較, 其中有個版本的UHQCD勝出咗, 不過論聲音唔算嬴太多, 價錢呢就差好遠。

chakat

kinghung 發表於 2016-8-25 10:55
每次新野出總有班人吹噓吹捧，咁我多數會買來試下比較，但好多時都未如理想，咁個班人就會話係你套音響系統 ...

其實我很希望多D師兄除了分享自己套機多好之外,在這裡也可以多分享音樂產品的質數如何....減少好似我咁中招的個案!自己覺得香港現在的音樂市場已經很窄,可能只剩下我們這些遺數不多的真樂迷,仍會買碟及希望享受音樂,但出碟的近年只會玩花招,用唔同的格式來愚弄樂迷,不斷唱口水歌,港式Jazz來搵錢.....音樂不是應該賣創意嗎? 賣音符嗎?再咁落去...我相信之後都唔敢隨便買中文碟了......或著只付款下載,最少可以試聽,看看有誠意才比錢.....              

WCHK

PP-HK 發表於 2016-8-25 10:57
睇過網上有幾個人話林志美張UHQCD好正, 但原來也不是一面倒的好。之前跟幾個朋友玩CD盲測, 大家攞幾隻同版 ...

不過一班朋友吹下水, 試碟試架生又幾好嘅.

kinghung

chakat 發表於 2016-8-25 11:20
其實我很希望多D師兄除了分享自己套機多好之外,在這裡也可以多分享音樂產品的質數如何....減少好似我咁中 ...

唱片公司其實都明白呢個道理，但問題佢地都係為搵錢，伙記都要出糧，所以亦只能行呢條路

過多廿年，就唔會再有人買碟架啦，到時出發燒碟，限量應該係50-100張咁上下(希望仲有)

chakat

kinghung 發表於 2016-8-25 11:34
唱片公司其實都明白呢個道理，但問題佢地都係為搵錢，伙記都要出糧，所以亦只能行呢條路

過多廿年，就唔 ...

出發燒碟唔緊要...但都要有D誠意...要物有所值啊!外國的唱片界相信也面對類似問題,他們也會出翻唱歌,但都可以做到有新意及有質數...但近年唱片公司出的,總是比人覺得只會賣花招,只想搵快錢,不但不去思考進取及改變自救...只求殺雞取卵.