本帖最後由 raymond430 於 2010-11-16 20:09 編輯
原來raymond430兄由柏真寧斯/林伯拉迪時代開始已是阿仙奴fans!
請問有無睇過呢兩位亞仙奴名宿踢波? ...
Fabregas 發表於 2010-11-15 23:00 
當然有啦,不過真係好耐囉,mmm......應該係70年代尾.記得第一次正式睇晒整場外國波正是當年tvb係晚上直播英格蘭足總杯決賽,對賽球隊正是阿仙奴同曼聯,阿仙奴嘅守門員正是北愛國腳柏真寧斯,中場指揮官就係林伯拉迪,中鋒係麥當奴(好易記)--sorry記錯咗,唔係麥當奴,係史塔保頓至啱 麥當奴只係後備. 其他真係無咩印象了,而曼聯嘅球員更加無印象,前鋒好似係曉士.
比賽上半場阿仙奴已取得2:0優勢,直至下半場尾段七十多分鐘最聯追成1:2,幾分鐘後更追成平手,時間尚有不足十分鐘,滿以為要加時,而林伯拉迪係中場一路帶波到k角位傳入小禁區,麥當奴後上用腳產入致勝入球,就係當時已經喜歡了這支球隊了.
仲有二次阿仙奴嘅賽事令我難忘嘅:
一次係阿仙奴攞聯賽冠軍(當年英甲),年份忘記了,當屆阿仙奴同利物浦鬥到難分難解,打到還剩一週比賽,利物浦以兩分領前且得失球差有些優勢,咁啱最後一週比賽利物浦主場迎戰阿仙奴,個場比賽,利物浦就算輸,只要輸唔多過一球都攞冠軍;結果阿仙奴下半場入兩球,以2:0勝出且攞咗冠軍.
另一次就無咁好彩囉,對手又係利物浦,不過今次係足總杯,以前足總杯除了決賽之外,其他階段都無加時,打和就要重賽,你地又估下兩隊要打幾多場先分到勝負? |
[複製鏈接]
樓主
發表於 2010-11-14 12:54
