535 升級歷程

Yingfung

由未接觸高階耳機，睇完各大論壇包膠報告，9衝左隻535ltd返黎，聽大家分享，女聲都一致好評，，本人比較好女聲，2黎外型岩我口味!當時人在澳洲，搵朋友幫手係香港買，試都未試過。還好最後都好滿意。
岩岩買返黎個時，高音有d尖，不過都覺得好好聽，原來音樂同人聲可以分到咁清楚。到煲左幾百個鐘，女聲高音得黎好甜，男中音厚實有力。低音呢，開頭弱弱的，到黎感覺短而結實，對我黎講岩岩好。我主要聽中文流行曲，人聲為主，成個耳機都好岩我，要多謝師兄d報告。



聽左一段時間，開始想升級，諗緊換線定係player，先試player，預算唔大，當時試左幾部千幾到3千左右的機，最後揀左sony呢部A16 ，人聲偏暖，對比我部HTC one 黎講，成個音場大左，層次更分明，定位更準，鋼琴結他聲都變得更清脆有力，千幾蚊既機，我覺得係超水準，同我個535好夾，女聲聽到我耳仔軟，點解可以咁好聽架!呢部野最大優點仲要係細同超輕，聽歌一舊兩舊咁帶出街咁煩，男人老狗緊係唔帶袋架啦!!同續航力超一流，差1次電聽十幾廿個鐘，未買都唔知可以聽咁耐。唯一唔方便係揀歌。




無耐敗埋部Pha-1a，無咩試過其他耳擴，試過部大陸機千幾蚊，再聽呢部覺得好聽d就9衝了，百記做特價唔知千6定千7，純粹夾返sony，聽感係成個音樂成象的放大版，再清晰有力少少。




之後無耐條原裝線又壞埋，又可以順手搵理由換埋，係旺角周圍走，周圍試，最後揀左呢條brimar 8蕊單晶銅線，試好多條，平既感覺無咩分別，貴個d呢，好多店家推薦我唔同類型的銀線，話大部份客535都係配銀線，線呢家野我諗比耳機更加個人口味，535配銀線黎講，有d女聲係好聽左，但男聲走哂樣，又尖又刺耳，有d既女聲我得好聽得黎無左shure個種味道，太尖了，無左種甜味，好唔耐聽。試其他銅線，太沈，唔覺得好聽，唯獨呢條。開頭問老闆有無千幾蚊耳機線，佢問我咩頭，我俾佢望望，佢話有，就拎左條比我試，試左第1條唔錯，問佢咩線幾錢，佢話金銀線，3，4千蚊，咁貴?有無平dd?有，呢條銅線最平，銀線就貴少少，試完銀線再試銅線，叮一聲，好好聽，男女聲好好聽，低音更札實有力，量依然唔多，但好有力。問老闆價錢，依然唔平，問佢有無我平d，佢話平少少，即時收貨!!




後尾，個535俾我壓爛一面耳管，改模又貴，上網搵到某店有得整，加鋼管，點知整完過幾個月除耳機輕輕一拉個耳機蓋解埋體，一半係耳入面，點解自己諗。

咁點算呢，無理由再整架，改模又差唔多夠買過隻，出去試d貴價耳機，無隻岩，background好聽左，但人聲又無535咁好聽，或者好接近，但我唔覺得值咁多，試846，口味岩，但無興趣俾多幾千買好聽少少晚background，人聲唔知未煲夠定未換線，聲底似535，但女聲又好似無535個種味道，唔想博，最後決定都係改模，又可以有人生第1隻CM。

中途見到部新ak，平平地，又9衝埋，之前中左aak380毒，太貴買唔起，呢部又細又輕又係新款靚仔，無耳機都9衝，廢事之後無貨，岩岩買左last部。


最後拎完耳機又逛下，終於俾我搵到隻想upgrade既耳機，vision ears VE5，好正!空間感一流，唔大唔細，好似聽live咁，背景唔係普通清晰左，大左咁簡單，係成個行雲流水咁，好順耳，又有節奏，層次分明得黎超立體，人聲唔係特別出，但個種感覺又好好聽，清得黎好有感情，第2隻聽到我有感動感既耳機，但好貴!!毒海好深==得CM，CM款好靚!……

vicentk

我和你一樣是 535 起步，不過之前我退在燒5-6年，我就比較單一口味，女毒 ONLY，試過好多野，VE5 當然係正，我係展會時聽過，感覺舒服人聲甜，可惜是價錢問題，因為當時我已經有了仙女，如果我要做 CM 我可能會做 64 A10 或 A12

Yingfung

我都想試64 ， 唔知聽感如何

地盤肥佬

師兄ve5做左幾錢？等左幾耐？我都好有興趣

neo_zeon

同師兄用既品牌歷程差一點而已， 由f886>ak120ii, 只係耳機由w40依家就係煩緊上cm既話， fitear or ve而已 （jh angie, 1964 10非cm， heir8，qdc8 聽完一定有提升但沒衝動揀）

hahacheng

同CHING用既品牌歷程有D相似，不過我係由westone 1開始(當時因為配戴舒適同隔音ok而買，冇視音質)，之後隻westone 1 條線斷左而買左shure se215

聽左一段時間，覺得D BASS 太多太散，開始留意音質，9衝左隻shure se535ltd，真心滿意，聽左一段時間，開始想升級player，由htc one轉做sony zx1

之後 條線又斷左，入左條不知名銀線，但開始想多返D background，想upgrade做se846，但人聲好似冇用緊隻se535 ltd好(唔知係唔係條線問題)

之後冇lala中左ak380毒，太貴買唔起，反正冇DSD ，所以入左ak320

而加搵到upgrade既耳機，同樣係vision ears，不過係VE6x1，不過真係太貴，唸左幾個月，終於響上星期av show 因為個9折而敗陣，再比個sales說服買左ve6xControl，返到屋企有D後悔，我真心對X2冇咩興趣，而加希望ve6x2有驚喜

而加痛苦等待中，仲要等幾耐

vicentk

hahacheng 發表於 2016-8-14 20:38
同CHING用既品牌歷程有D相似，不過我係由westone 1開始(當時因為配戴舒適同隔音ok而買，冇視音質)，之後隻w ...

ve6xControl 我係展會都有聽過，聲是好的，不過的聽完 AK380 之後，什麼也聽不入耳，而且給貴價嚇了一跳，沒刷卡。

不過可以一句，師兄你沒買錯的

an681020

請問c兄去邊間改模?

hp0369

我當年都係從535開始

Yingfung

Ak380真係好正，唔試唔知535可以咁好聽

Ve6x1有9折咁好，要等3，4個月吧