唱片公司打手

byingfung

只係聽舖頭老細講，未經證實，信唔信冇所謂！首先打手通常會响平日辦公時間發帖及回帖，其次係打手掌握到限量發燒碟會有三種主要買家：發燒友、死硬派粉絲、炒家。以前打手做法係响網絡發帖後，不停分身回應吹噓，到貨品推出時扣起d貨，等買家特別係發燒友及粉絲中哂伏之後，佢再推出市場或以自己拍賣賣家身分，兼職做埋炒家，不過由於條橋太舊，開始比人發現之餘，d發燒友又發覺D碟衰聲不斷，就冇再追捧，當失去發燒友支持，炒家漸漸唔再掃貨，打手也唔再扣起d貨，而且炒熱已過，所以打手漸漸改變策略。當然依舊係唱片公司專頁繼續會搬某d打手「歌頌」某碟的帖或搵所謂「專家訪問」吹噓某碟來谷銷量，但而家打手策略改變，開始倒過來講反話，發完帖之後，又嚟影分身，反過來話唔會再買限量版發燒碟等等！當真正發燒友、粉絲睇到留言後，以為口碑唔好，彈多過讚，又唔覺有人會搶貨，就唔洗急於購買，一時鬆懈之下，點知又中伏！快速冇哂！當然打手又收起d貨兼職做埋炒家，更甚嘅係打手仲造遙又話限量500隻，其中399隻有編號等等，等你地首批買家食哂炒價之後，再推出另一批新嘅！問你死未！

laiwingnang

頑求網上PR 好識得玩語言偽術, 好識得狡辯, 佢會上黎睇POST, 有時會轉貼所謂網上用家
/FORUM  member讚賞其產品,  佢已經混入我地群中, 就算佢真係咁玩, 我都唔覺得奇...

ADA

首先多謝樓主報料。
但這手法用咗幾拾年啦喎！無論樓宇買賣，演唱會門券，Yahoo拍賣，基本上所有嘢都用這手法的。
所以如果樓主問我信唔信，我可以講根本就係事實，所以一定信。

kinghung

單層shm SACD?
(Post76 Android 手機版送出)

jimmy188

kinghung 發表於 2016-8-9 08:31
單層shm SACD?
(Post76 Android 手機版送出)

自覺呢隻未算……出版前已知得三幾百隻編號版，早有心理準備……
但胡小姐演唱會果張先誇張，直情表表者……

m600

題外話，我覺得胡小姐隻演唱會都係咁上下玩法！當出面街所謂加特版無晒貨，比人炒貴左好多之後，一個星期唔夠就可以補到貨？！美國壓碟喎，唔洗再order？shipping唔洗時間？

但相信不是公司打手做！我只覺得佢地原本有心想試一試加特版的市場反應，又怕去唔到貨！但點知班炒家炒到隻碟$5xx，咪即刻推埋倉內的加特版... 但班炒家已經食左頭擔湯！用家遲左少少買就要四圍撲和捱貴碟！

rodywong

胡小姐隻演唱會加特版小弟在AV展買到$300.00大元，不知有沒有買貴了

jaffeinism

狗屎垃圾爛到死都話好聽個的... 肯定係

G36

rodywong 發表於 2016-8-9 12:22
胡小姐隻演唱會加特版小弟在AV展買到$300.00大元，不知有沒有買貴了

街價$280...

76post

大家以後唔好再唱片公司的詭計喇, 炒家都死埋一份