16年8月中在劇毒及解毒過程

heheyuth8700

銅amp

vicentk

kin1111kin 發表於 2016-11-18 19:15
本來我想估係380+amp 的套，或V字頭的機袋，但價錢都係仟多元，又唔啱數

機套千幾銀好唔值，不過事實上又好靚

vicentk

heheyuth8700 發表於 2016-11-18 19:55
銅amp

開始發覺依個 POST 已經唔止講 380了，所以改一改名：16年8月中在劇毒及解毒過程

星喚魂

請問各位師兄，我岩岩買左380 la
可否教我點係380用moov? （我見到application update已經有moov, 但我唔識開)
thx ar!!!

洪威

喺商店內Moov

rlmfung

又話2點要交檯
(Post76 Android 手機版送出)

vicentk

heheyuth8700 發表於 2016-11-18 19:55
銅amp

急不及待係巴士上開聲，聽感完全係第二部機咁樣。

Marleyea

正喎！

vicentk

Marleyea 發表於 2016-11-19 18:50
正喎！

坦白一句，係超正，估唔到差別好大，好開心 ENJOY 中。

vicentk

從今年年中想再入毒海開始，係再點解，早左2005年我已經係毒海中浮沈，但是當時家中出現問題及工作上關係，沒辦法的情況下上了浮台。從我再次跳海後不知不覺已經半年了，這半年真是開心，從一開始玩535加iPad/iPhone，到535加DP-X1，比朋友用 Jupiter 毒死到出 Andromeda，之後中左380劇毒到現在玩埋 AMP。下一步就係 CM IEM。為在依只野這一個月四出試機，經歷過不下數十對面機的試聽，心目中的理想已經找到了。

今天再試耳機，試過 Stage7，VE5及 VE6xc。就依三只相傳為世上最強的耳塞我來講講我的感覺，感覺係個人的亦有可能耳機沒煲好有所不同。

在廢話前我先講講我用緊乜去聽及聽感。AK380 Copper + Campfire Andromeda + plus sound EXO Sliver plated Copper，此套組合，女聲清甜，高音光亮，定位準確，但是當聽管弦樂團時前後位置有點分別唔到。低音有質素而且量不多，快來快去。此耳機以我個人感覺，是這半年內有水準的動鐵，平衡中帶點味精，雖然我將會有新的，但是仙女我絕對不會把你放走，妳是值得我收藏的。大家如果出街試機，千萬不要比條原裝垃圾線嚇到，因為原裝線係把高音消失了。我也有兩位朋友聽過後已經應同了女聲已達-含笑半步釘的地步。要行半步先死，因為下面有只另我即死的耳機。

Rhines Stage7
首先我絕對懷疑依對野沒人試，好像完全未開聲。但係點樣都好點都會有原本的7-8成功力，聽完4-5首歌絕對不是我杯茶，女聲不夠毒，還原度比較濛(就是我這點我懷疑未煲)，但係如果大家鍾意大空間的話依對會另你即時刷卡，佢的空間比我感覺絕對是在似屋企聽坐地喇叭咁。

Vision ears 5
原裝線下比起我現在用的仙女再換了線打成平手，空間感相同大少但是管弦樂團的定位前後高低比起仙女有明顯的分別，距離感有的，之前我試的 QDC 8SL，8SL 個分離感感覺係高低差了一層，分離得太明顯。女聲位置是和你平衡的，就像你站在台上和倉木麻衣同一高度。女聲的毒好接近仙女，但係佢比我個感覺似係界乎於之前仙女用上金銀線及銅鍍銀線次間，溫柔得來多點溫暖的感覺，就似剛剛拍拖時你女朋友對你說話的，就因為依把聲把我帶進了深淵。

Vision ears 6x1/x2(同樣在xc上聽)
一開聲比起 Vision ears 5 明顯地是管弦樂團的定位準確，前後位置緊接著。打擊樂的樂器-鐵琴的聲音你會感覺到是一片有厚度的鐵片並不是一片鐵皮，x1的感覺是用比較沈重，x2出來的聲音比較清脆而高音上比x1多少少。鼓的聲音在x1上比較重反而x2就剛剛好，而打擊後的微量餘震x1也比x2多出了少少。女聲的位置是完全從上而下，你就在台下的皇帝位一樣。女聲方面x1比起x2厚了，x1及x2還原她們的聲音準確，比起 Vision ears 5 的爽快，似個中六的學生。x1多了一點穩重經驗風霜的成熟女仕，似個30歲左右而x2 就像一個剛剛出來社會的20多歲少女。總結x1和x2的女聲感覺就像在神聖的教堂中，含羞地說一句 yes I do。如果仙女的聲音是仙女的感覺，x2的就是20多歲的女神感覺。

總結是 Vision ears 6 任何一只都只會買貴沒買錯，如果要我選 xc, x1 或 x2，我會選 x2 因爲佢的聲音比較輕沒有 x1的重。點解的唔選 xc 原因是玩音響的先決條件係減少配件而減少失真，二來的怕粒制會易爛。

再次多謝大家睇我咁長篇大論。