哩度多唔多人玩二手器材？

kl122002

其實不同的牌子的機一直有不同的調音取向. 以前的是最為明顯.
好似英國的老牌子舊quad 33, 22 都一樣好聲. 同樣都是著墨在自己怎樣去重演當中的聲音.
也因此, 當時如果真是不太特別味道的要求, 是一套過才可以發揮出到最完整的效果, 也是雖有這樣才知一個牌子的聲音是如何.


今日無錯是追HD了, 問題我覺不是在這裡,
而是不少老牌子的公司在不斷的被收購, 重組, 合併等之後人材+資源流失. 令以前的音色一點點的被改變
有些老牌子, 如老麥是和幾家公司(Audio Research, Wadia 等)合併成一個Group ,  
我都唔知係由A牌的錢去支撐B, 還是由B的錢去撐A ....如是這樣好似有種塘水滾塘魚.
之後的大家出來的調聲都好近似, 越hi-end 就越似一樣.  (反而中階的牌子個性比較明顯, 呢度值得留意)

koalaau

牌子的音色真係好微妙，同一個牌子出不同的器材都會唔同聲，但仍然係果隻牌子的聲。
譬如我用過山水80'的607和70'的8500，都唔同聲，但仍然好係山水聲，絕唔會變左山葉，諗落其實幾有趣。

koalaau

流行乜嘢制式做音源都會影響到器材出品走向，現在數碼強項係走高清高分析力，器材就要做到咁，鉅細無遺先為之正。
以前模擬錄音講求傳神，器材就要有氣氛有音樂感，買返屋企聽覺得唔夠，仲有tone control微調添。
冇話邊樣好d，個人口味，我就鐘意舊野多d嘞。

kl122002

A+B = (A+B), 而不是C....好比基因, 也是看誰的能力最大去主導. 有時是有一方的影子, 有時沒有. 係幾神奇的.
正正不一定得2正, 可以得負, 或者打平
以前不少機有tune control, 是因為當時design 知唔同人有不同機組合去對應, 同時也是方便個人口味而去加上去的. 不過80年代之後主導原錄音主義? 還是因為不少人都不識用而所以廠方覺得取消? 我不知了. 現在的機(猶其在2CH)大多都已沒此功能.

hifi 本身就是追求高保真, 高度還原. 此方向沒變. 只是有時太HD化下, 好似清到覺"好假".
我有種疑惑, 是不是因為這樣才出現了反式各樣的副品去tune 聲?

koalaau

kl122002 發表於 2017-8-3 12:05
A+B = (A+B), 而不是C....好比基因, 也是看誰的能力最大去主導. 有時是有一方的影子, 有時沒有. 係幾神奇的 ...

tone control在隔離已講左幾十版了：p
個人認為取消tone control係一大倒退。出cd後的原音主義，係俾藉口廠家慳返設計和成本，仲開埋用線材較聲條水添。

koalaau

我都覺得現在有d錄音係清到好假，d弱音現場都冇咁清楚。
下過係幾過癮既，間中聽下我唔抗拒，說到底最重要係音樂本身要好聽。

dxvmon2000

二手市埸已經無多人放機。好多二手機多數都比收賣佬買左及拿返上大陸賣。

其實你睇二手網及去二手店，有好多係賣十幾二十年d機，較新model好快就比人賣左。

香港買新機又特別貴，二手市場又少人放，引至好多新手都放棄玩音響。

kee0404

我差不多所有都是二手…….山水AU-X901…DIATONE喇叭都

koalaau

kee0404 發表於 2017-8-3 14:25
我差不多所有都是二手…….山水AU-X901…DIATONE喇叭都

師兄識玩，山水配大通，聽音樂（唔係聽音響），夠哂聽了。

koalaau

dxvmon2000 發表於 2017-8-3 13:47
二手市埸已經無多人放機。好多二手機多數都比收賣佬買左及拿返上大陸賣。

其實你睇二手網及去二手店，有好 ...

係好多器材俾人抬哂返大陸，主要係歐美暢銷名牌，亦因爲土豪俾得起唔吼小日本，我地先可以仲在香港執到好價日本靚野。：p