早場‪Suicide Squad / 自殺特攻：超能暴隊 (希望越大………) 含劇透

小瑟

劇情：3/5
重點：主要睇男女主角，劇情流流地，但如果係DC迷又冇得唔睇。

以下就會劇透勒。

一早係Youtube睇預告，又有Will Smith,  又有靚女(唔記得名) 做小醜女， 佢地二個上次做果套老千片已經睇左N咁多次，真係好正，所以今次一上畫第一時間就算攪影音展既預備工作都放低先(謝謝Wil總幫手),  即時去睇早場。

Wil Smith真係型到爆，同埋DC既片睇左B VS S加長版之後迷上左，所以對呢套真係有D期望，戰鬥場面OK, 劇情就真係………犯駁位太多，不過要處理壞人去打壞人而D壞人又唔會佢反呢下佢都做得好好，不過打大佬果段真係好多個問號係我個腦入面，好似有冇咁炸？？ 個大佬咁勁要同你班友打掌頭交？？ 大佬個工哥咁勁又有冇咁易死呀？係咁就唔洗攪咁耐啦？？？ Batman係早段成日出現，點解咁大單野都唔過來幫下手或做下野咁呀？之類之類，真係好多問號…

最後好想講，第一首配樂好正，同男女主角上次果套老千片係賭場既音樂一樣，果下野好興奮。

最後大家以為小醜係主角？？sorry,  佢係大咖Only,  比Batman戲份多D咁解，不過佢既出現又同電影劇情推進起關鍵作用，但要打既絕對唔係佢，同埋要推論返D時間線有D亂。
(Post76 Android 手機版送出)

粗人敵卡

禮拜日睇
聽講套戲又剪咗兩個version
http://www.hollywoodreporter.com ... drama-rushed-916693

DVD迷

我買左今日下午睇，但我未睇過呢套咩dc漫畫及動畫，不過好唔好睇，都唔影響我愛上這3個角色，睇預告片已中毒愛上小丑兩個角色，所以不用睇完才決定訂不訂好12吋人偶，好彩已抽中左限定版小丑女，就連小丑男和黑人都決定一齊訂曬佢

lkljason

小含內容～～尋晩都睇完，立到小小影評好似幾差吓，但睇完覺得都唔算好差姐，劇情係有D鬆散兼犯駁不小，不過可以接受，期待出碟有加長版。小丒女係賣點預左，表現亦都冇失望，不過實在trailer 睇得太多，所以驚喜真係欠丰，其他鋪排都係順住去亦冇乜特別，奸角女巫其實唔錯，但交代唔多加上最後弱化有D失望，整體黎講可以一看。利申bvs 我係ok鐘意嘅！最後片尾有野睇，記得睇埋至好走！

粗人敵卡

今日睇完
覺得最可惜嘅角色應該係flash
發揮機會近乎零
前段覺得太跳脫同埋好似學deadpool戲咁
小弟實在麻麻
後段任務反而拍得唔錯，直至打嗰個女巫為止
好似咁多位師兄所講，女巫弱化得太勁
仲有一樣
有幕影飛機嗰幕特技太流
做harley quinn嗰位演員
做得有少少煩
will smith做得…上唔番i am legend時期嘅演釋
不過叫唔錯
joker真係正，形象俾小弟感覺係玩開punk rock

天蠍座

睇得唔明咪啱囉！
唔係之後又點出返隻碟，然後同你講所有謎團係隻藍光加長版會一一拆解。
錢就係咁賺....

gashapon

今集joker好"有情有義", 佢會為了佢愛人Harley而身犯險境去救人. (Jared Leto有提過joker的"weakness"就係佢對Harley的愛)

我覺得電影已經算唔錯了, 因為又要係supervillan又要肯join 小隊其實都唔易. 太痴線果d又控制唔到佢. 太勁果d又係控制唔到佢.(enchantress就係例子) 少少犯駁位一定有, 例如killer croc只有拳頭無用過槍, enchantress同佢巴打又幾易死等等. 始終是電影, 未必可能做到咩都完全合理. 等於iron man 件裝甲明明硬到對付外星人都無事, 比雷神打中都只係"笠"o左少少, 但去到cap3 又變成軟膠做咁, 可以比winter soldier用人手整爛. 同captain打又係打掌頭交 (其實飛上天遠距離攻擊cap已經無得打)

我自己覺得DC電影一直比較俾人好dark好sad的感覺, 未必人人啱睇. (所以好多時comment都係一係好喜歡, 一係完全唔喜歡, 好少"中間"喜歡的人) 依家慢慢地改變, SS都開始輕鬆但又唔會刻意同marvel果類"輕鬆", "合家歡"一樣的style. 感覺DC開始搵到往後電影的定位係邊. (希望Wonder woman都唔好太dark)

jc2ssych

早兩日睇完。再次證實，真係好盲目，好講 feel：

鍾意嘅，明明係好多缺點否認唔到，但仍然睇得會心微笑；而平日乜都鍾意X一餐嘅，仍然會不斷放大唔妥嘅嘢。

我無睇過DC comics，唔知女巫兄妹其實有幾勁，但純粹睇電影頭半段都覺係超堅抽，係咁咦就收佢工係怪怪地。

不過如果將焦點放在 Deadshot、Harley Quinn、Joker 同 Diablo 嘅 solo 感情戲，將會覺得十分精彩！

Robert Downey jr. 做戲都叻架，佢在【judge】、【chaplin】都技驚四座。但在 Marvel 的世界內佢演 Tony Stark 係呢一世都唔會出到呢種 feel。

而 Captain America  同 Bucky 之間嘅友情同義氣，只能去到「令人覺得合理」，而唔會去到感動嘅層次。

Marvel 同 DC 我兩邊都鍾意睇，但會僅記帶適當嘅尺去量度。

gashapon

jc2ssych 發表於 2016-8-14 22:42
早兩日睇完。再次證實，真係好盲目，好講 feel：

鍾意嘅，明明係好多缺點否認唔到，但仍然睇得會心微笑； ...

始終睇戲感覺係好主觀, 好多時都有先入為主的情況. 好似一講古惑仔我呢個年紀的人一定係想到Ekin, 但依家問個中學生可能佢地只認識羅仲謙, Ekin係邊個都唔知~~XD

Marvel 電影近年來的確係好賣座, 而且成功令一班唔睇漫畫的人都會走去睇電影. 所以好多人用marvel個"準則"去比較DC的電影都好正常. (雖然我一直認為DC同marvel的風格係好唔同的) 但我又唔會因為網上有人話唔好睇而唔睇, 始終人係有自由意志, 唔會咁易受人影響吧. 預o左睇就會去睇, 從來無打算睇的就算免費都未必去睇. XD

我自己第一次睇時見其中一個角色出場一陣就比Boomerang呃而死埋. 一開始我覺得搞咁多野一出就死好浪費, 但睇返原來呢幕係參考返197X年漫畫的同一幕, 馬上又覺得 "啊, 原來係有意思的". 所以依家好多時睇完電影我都會上網睇下d 評論, 睇下自己miss o左幾多野(easter eggs), 如果有時間就再睇多次, 當了解多o左, 感覺又會唔同o左~

不過我又幾同意師兄所言, 因為網上(例如RT)見到某人讚marvel電影故事"簡單易明", 但同時批評DC電影"唔夠深入", 都幾double standard. 呢d我就係一笑置之~