買了有問題黑膠唱片，怎辦？

amadeusalvin

今日買左隻 Sting The best of 25 yrs , 我最鍾意那隻 Fragile 不斷有電聲，最好 regular 咁出現，我再睇一睇隻碟，omg! 不是花而是有 凹痕。咁有冇得換 ？

travelbooy

視乎那裡買及買了幾耐，但不是每間都接受更換黑膠的。

amadeusalvin

travelbooy 發表於 2016-8-2 18:39
視乎那裡買及買了幾耐，但不是每間都接受更換黑膠的。

剛剛買的，已打去問佢肯換

byingfung

純粹個人宣泄，其實小弟買膠，好多時唔拆純粹買來儲，所以專出有問題CD黑膠嘅頑求唱片，好鍾意我呢d買左有問題嘅貨都唔去換貨嘅客，雖然我有部cheap機，但來來去去都只敢聽二手膠，其實事緣係因為買左廿幾年CD，成日見到d全新CD有花痕有問題，又要攞去換而已經覺得好煩厭，如果再染上黑膠呢舖癮，又遇到有問題膠就煩上加煩所以站响我呢個強迫症完美主義者嚟睇，藍光碟及MQS卡幾好，前者因為好難刮花，後者排除哂所有花唔花嘅煩惱，不過當然從影音角度就唔係咁睇

manid903

建議你養成付款後即場驗貨習慣，省卻很多問題

HD_2

黑膠 問題又多又唔好聲




(Post76 Android 手機版送出)

pinkspider

最近我都中咗兩次招, 一隻新膠有凹窿, 另一隻睇唔到有表面傷痕, 但有兩個位有雜音, 即刻攞去換

新膠質數真係......

jimmy188

吾怪得依加d新黑膠定價咁貴……
原來預計彌補呢d損耗……

takeishi

   講真呀~黑膠真係咁神級靚聲咩.
其中真係好大原因係俾D新貴族抬高到所謂神級般的靚聲.
咩鬼野層次分明. 高音甜. 底音勁. 晒氣啦.

manid903

人人靚聲標準不同, 我自己黑膠同sacd 都有玩, 有機會更加同一隻黑膠+ sacd 比併, 論方便,音樂立體感一定sacd 嬴, 黑膠嬴層次感,現場真實感.但只取決舊膠, 因舊膠係真正analog 聲,新膠根本就係cd copy 過去,所以別用新膠作指標, 至於某d c hing 說黑膠唔好聲.....不如你親身試過, 最好同一隻碟,同一器材實際比併後再結論吧, 估估下唔會有實際結果的, 至於新膠定價貴的問題, 第一定價取決唱片公司, 第二 hk 都沒廠造,而一隻黑膠掟哂去德國同日本造, 你自己諗貴唔貴了...坦白說好多外國黑膠在cd warehouse 唔使$200, 買隻胡琳演唱會普通cd 都要啦, 市場定價問題, 玩得實體音樂,預咗燒銀紙啦!