《Jason Bourne》︰劇情略為失色，但依舊精彩

粗人敵卡 · 發表於 2016-7-31 15:24

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

叛諜追擊系列，可以話係Matt Damon演藝生涯代表作，第一至三集氣氛同劇情一氣呵成，一位失憶特工慢慢找尋自我同打低幕後黑手，過程可謂令人拍案叫絕。第四集相對之前三集可以話相當失望，主角轉咗Jeremy Renner，劇情小弟覺得好無謂同拖沓，不過今集總算無令小弟失望。

動作場面方面算得上精彩，最正嘅係開頭希臘電單車追遂戰同埋最後美國Matt Damon同Vincent Cassel追逐戰，兩個動作場面都係鬥車，聲效相當震撼。而成套戲氣氛同第一至三集一樣，由頭緊張到落尾，當然好過第四集，第四集有唔少悶場，連動作場面都較為失色。小弟有一樣最唔like係最後Matt Damon同Vincent Cassel打鬥，鏡頭拍攝唔對小弟口味，不斷搖鏡，睇唔到兩位一招一式咁打。

故事方面…其實小弟覺得有少少搵戲嚟做，雖然係無第四集咁「多餘」嘅感覺。成套戲由之前三集尋回失去的記憶，慢慢變咗Matt Damon私人恩怨，呢度小弟就唔做劇透。另外今集都有些少不足之處，Alicia Vikander點解幫Matt Damon鋪排得太少，提出treadstone計劃同Matt Damon角色嘅關係…寫得有少少格硬嚟，CIA局長最後行為令觀眾覺得有少少突兀。

總括而言，今集叛諜追擊好過上一集，同第一至三集相比略為失色但算精彩，想睇動作戲嘅呢套要入場睇。