古董音響器材有幾堅？真糸新不如舊？

nannan

真係新不如舊，現在新器材太數碼聲，好假，冇韻味，現在我玩返黑膠碟，唱盤，韻味氣氛真實重現
(Post76 Android 手機版送出)

ykluk

小弟又無話要專登去用新或者舊嘢, 只係搵一啲啱自己用~~

好似部DAC咁, 金鹿唔係舊嘢啦, 但係小弟前後級都係陳年mark仔旗艦26s + 23(可惜無錢上23.5), 前後級係好舊買二手時又會要求賣家幫手換新cap先, 但啲聲同價錢又真係抵用啲....之前仲用緊超陳年ATC SCM20, 不過暫時未玩得掂所以收埋咗, 用咗新版ATC SCM40先~~ {:9_421:}

黑膠盤仲舊, 係kenwood kd750, 唔係因為新機唔好, 只係新機貴, 無錢唯有玩舊嘢囉....

wing2188

Ccs56084342 發表於 2016-7-26 08:08
系，聽開１０吋以上口徑喇叭好難反轉頭聽細口徑，Ｄ聲鬆容Ｄ又密度高，但現時大口徑喇叭超貴。 ...

現時好多喇叭越做越細，大喇叭自然就越來越貴，

我都係喜歡大喇叭，

30多年的分體CD機，現在還聽緊，，，

新舊都唔同味道，各有千秋，，，

kl122002

以中立而言: 科技上新一定勝舊, 只是調音上舊有舊的一派理論, 新有新的一派方向
特別在amp中, 在之前的風雨中找amp, 拜會不同前輩家中的感受最深是如此.
當中各取所好同時, 也有值得留意的地方.
打個比喻, 有些舊機可以聽出小提琴尾音結束時自然弱退的感覺,
有些在新機上有些是sharp cut, 或者好似直線拖長再中斷.

自己而言,  
盡可能以最新技術所帶出音樂中的details 和舊派中音樂的自然作最大擬真, 才是正道.

kkkiu

好多時都係心頭好姐，時期唔一定同優劣成正比，我第一對喇叭係proac 1sc，買入時是全新貨，最hit果陣買入一聽就聽左5年.....最後決定賣果陣，帶上代理換高音綿及檢查一次，記得那天買家同佢老豆一齊上黎交收，如果你見到個買家望住對喇叭既眼神.....你就會明白呢件物件係佢心中既價值，佢應該是想擁有好耐，當時已經停產而複刻又未出(不過出左都無意思，佢要既係呢一代，你懂的)

而呢對1sc我就由全新擁有，佢係咩特性咩聲我好熟悉，你話係咪咁好聲，我諗在這位買家既角度似乎不是最最最重要啦...但我承認這是一對很有特色的英國音箱!!

我重有過咩古董呢....198x年的foundation腳架(正方形金貼紙既見過未?)最後賣左比一位專用佢放古懂3/5a的，也令我識多左位朋友~

mc275 40周年~雖然不是搭棚機，但卻是我最唔捨得的器材....好聲!!物超所值!!也是令我認識到古董膽是乜野聲的老師~

有時不只是物件需要歷練，其實人都係....

Ccs56084342

wing2188 發表於 2016-7-26 10:55
現時好多喇叭越做越細，大喇叭自然就越來越貴，

我都係喜歡大喇叭，

我都有部30年ＣＤ連前級，ＣＤ已讀唔到啦，重用緊做前級，因好聲重未願打距柴，想用到距斷氣為止。現時有咁嘅聲要幾皮㗎

nannan

以前D機用料靚重料好多，現在D機輕修修
(Post76 Android 手機版送出)

Ccs56084342

nannan 發表於 2016-7-26 12:38
以前D機用料靚重料好多，現在D機輕修修
(Post76 Android 手機版送出)

唱盤就系咁，我用過嘅thorens td126mk3有幾十磅重，當時算系平民野，現時Ｄ盤中價萬萬聲都上手輕飄飄，感覺太溜料。

kkkiu

nannan 發表於 2016-7-26 12:38
以前D機用料靚重料好多，現在D機輕修修
(Post76 Android 手機版送出)

以前無錯係重料...但都要睇件產品係乜市場定位，我老豆都有過呢D套裝音響，成個櫃咁頂有埋唱盤果種，佢都好捨得，AMP同卡式機好似係馬蘭士添，80年代好多家庭都有.....好多年前賣之前，我都重試過執返出黎試下咩聲既........但....就係套裝音響囉~~同埋我老豆都係因為呢個觀念，佢有收藏黑膠，但無再唱過啦~~點解呢??

佢成日話...黑膠又炒豆又濛又難好聲，佢鐘意聽CD....岩既...如果佢之前果套機，果D聲.......而咁多年來佢都間唔時上黎我屋企聽我套機，我係近這數年先玩黑膠(開始玩得好少少)，最近我播黑膠及同一版本既CD比佢比較......聽完之後....佢只講左句「好彩我無賣左D黑膠碟...」............我諗..這就是「發燒音響」及「音響套合」既分別吧~

kkkiu

又或者咁講，80年代真係「發燒級」其實都係膽機為主，靚既原子粒機都有...不過好天價，而一些比較民用的原子粒機器，同今時今日比係有相當大的距離。