如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
呢套戲係知左好耐, 但見到趙小姐而唔想睇, 咁啱朋友話我知佢會去睇, 再經佢一輪意見後就去睇左
本來想睇DORY, 但撞啱暑假就真係瀨野, 所以睇左呢套先.
杜SIR既戲我最鍾意係PTU同黑社會, 因為佢將個環境玩得好掂, 掂到其實其他人都做到, 但就偏偏佢再夾埋角色同對白而變得再好D, 好似黑社會大D响監倉度大叫, 一個大WIDE SHOT影埋兩邊既人而帶出好明顯既處境, 就係夾擊, 就咁睇已經明白晒個利害關係. 而PTU最正係華哥既表現, 淡定得黎帶出警察外表雖然係執法, 但都有無奈既內心, 唔講出口再加各人既麻目面部表現, 都可以表達到經驗就係關鍵所在.
講返套戲, 其實同PTU真係幾似, 從佈局到人物表現都係似到十足, 唯一不同就係响醫院玩晒.
人物方面:
古天樂
- 好老實, 佢個樣無得輸, 但演技就真係... 個人覺得電影"意外"已經將佢嗰份嚴肅感全部表達晒出黎, 要再進一步既話應該無咩可能, 所以對呢套戲黎講只係一個襯托, 至於托邊個... 嘿嘿
趙薇
- 認真咁講, 睇唔出有戲味.
鍾漢良
- 我無睇佢點解會突然間紅左, 但表現上的確到位, 睇得出有進步空間, 至於我話古仔為左托出黎既人就係佢, 因為佢古仔, 佢都唔可以帶出一個大對比.
其實成套戲我最鍾意係鵬哥, 最重要原因唔係佢既爐火純青演技, 而係佢既角色似我爸爸生前既病一樣, 在場好多人見到佢既出場就笑, 但我了解佢所扮演既角色真係一流, 呢種病當了解同感受後就明白並唔好受, 所以都有小小感觸...
整套戲就好似我朋友所講最掂係最後一場慢鏡槍戰, 我覺得再夾埋首歌先叫做一絕, 因為歌詞導出晒全套戲各個病人既情況, 當然到最後就變得"大隻佬"一樣既哲學思想, 如果韋家輝係編劇既話, 可能真係會有另一套大道理電影出爐, 但又可能要靠香港人俾錢至面世到, 因為完全唔係土豪睇得明又了解到既戲...
我俾8/10
(最重要係因為大陸人投資就必要加個內地演員入去, 亦因為我估佢要叫做港產片, 所以配返廣東話既時候反而拖垮左角色)
多謝欣賞.
|
發表於 2016-7-17 19:51
樓主
