我是不死身，本郷猛《幪面超人1號》

alleelarry

前言
自問年紀不少，勝在心境還年輕，大多數人會係呢個星期趕住入場睇《寒戰2》既時候，我還是選了陪伴自己超過近四十年既《幪面超人1號》，由現年七十歲既藤岡弘出演初代既幪面超人，作為粉絲既我又點可以錯過！



觀感
作為四十五周年紀念電影，找回「原版 RIDER」出演，仲要係擔正，對 RIDER 迷黎講係一個喜訊，自 RIDER KABUTO 之後已經少看既我，點都要入場支持下，咁橋某電影APP可以用積分兌換呢套既換票證，真幸運！《幪面超人1號》對上一次出場係《超級英雄大戰GP 幪面超人3號》，只屬於客串形式，一眾 RIDER 也有登場，無厘頭玩埋賽車大獎賽，真係睇到一頭霧水……。今次故事只集中係《幪面超人1號》&《幪面超人 Ghost》及新、舊撒旦幫，回歸昔日既「超人打怪獸」呢D老掉牙既模式，反而係我想睇到既呢！唯一美中不足既係，呢一類小童向既親子電影，幾乎搵唔到有「日語原聲」可以選擇……，真的不太習慣配音版本。

∇ 足足七十歲既藤岡弘，身形比以往胖了很多，變身後用番昔日既瘦身設定會很奇怪，為左呢個原因就索性設定為十分虛弱兼高齡既 RIDER 1，感覺就討好得多；但就有點類近老年版的蝙蝠俠，亦即係正義聯盟電影版中入面既角色。


∇ 配合龐大身形既《幪面超人1號》，佢既坐駕都要改變一下，睇落去有D似哈利，細心既應該會睇得到佢名為：NEO CYCLONE，設計風格就保留昔日既影子。


∇ 整個故事係圍繞著「生命既意義係咩」這一個主題，英雄電影又點少得「熱血」部份，雖然無昔日既咁強烈，由「火鳳凰重生」到「變身」，還是不錯的…… RIDER 迷，萬歲！




∇ 片尾曲用上了2016年版既原曲新唱係意料中事；但同時亦加入了另一首男女合唱片尾曲，係少見既柔情曲風，初聽感覺討好！


後話
年少時要看《幪面超人》的話，就先要把功課做好，所以感情都被其他人來得深厚，評分肯定會加入感情分；相信76有唔少版友同我差唔多，喜見他們會帶埋下一代入場睇，呢類親子活動是值得鼓勵！

michael

好文.

horace_tsang

超正
(Post76 Android 手機版送出)

mike384

我係因為見唔到有日文版, 所以先決定唔去睇, 請問係米有日文版架? 麻煩知情的C兄解答

alleelarry

mike384 發表於 2016-7-11 13:55
我係因為見唔到有日文版, 所以先決定唔去睇, 請問係米有日文版架? 麻煩知情的C兄解答 ...

今次除左MCL之外，UA都加入放映行列，以往總會有一兩場係日語原聲，但今次唔多覺有呢

mike384

alleelarry 發表於 2016-7-11 17:00
今次除左MCL之外，UA都加入放映行列，以往總會有一兩場係日語原聲，但今次唔多覺有呢  ...

都留意到UA有做,
第一, 時間係OFFICE HOUR以內, 要放假先去得
第二, 係UA個SITE睇詳情時, 佢咁寫...
語言 : 粵語,日語, 英語及泰語(部份)對白，中文及日文 (部份)字幕
完全唔明間野想點...

alleelarry

mike384 發表於 2016-7-11 17:46
都留意到UA有做,
第一, 時間係OFFICE HOUR以內, 要放假先去得
第二, 係UA個SITE睇詳情時, 佢咁寫...

只好劇透一下，一開始有班人(我估係日本人)係泰國搵本郷猛，所以咪有泰文，叫佢個名既時候係用日文……又因為片中出現泰文，所以咪有D日文字幕比日本人睇囉！希望你明我講咩，我都係睇左UA既資料，所以一出場就係泰國，唔感到意外……

mike384

alleelarry 發表於 2016-7-11 18:30
只好劇透一下，一開始有班人(我估係日本人)係泰國搵本郷猛，所以咪有泰文，叫佢個名既時候係用日文……又 ...

明, 即係其他主要情節都係配左廣東話?

小弟盡量唔想去睇配音電影, 真真正正覺得配得好的, 今年套ZOOTOPIA, 真係勁.

alleelarry

mike384 發表於 2016-7-12 08:54
明, 即係其他主要情節都係配左廣東話?

梗係唔止啦！仲有「吱…吱…」，又劇透一下先，新同舊既撒旦幫，個D「吱吱」淨係識得「吱吱」……，打架都係「吱…吱…」

據了解又無記錯的話，為《幪面超人1號》配音既係曾經為 RIDER BLACK 配音，但太耐就真係唔記得勒

mike384

alleelarry 發表於 2016-7-12 09:02
梗係唔止啦！仲有「吱…吱…」，又劇透一下先，新同舊既撒旦幫，個D「吱吱」淨係識得「吱吱」……，打架 ...

咁請問聲, C兄你究竟係UA定MCL睇架?