三十多年後的《水手服與機關槍 卒業》

mike384

《水手服與機關槍 》 呢個名, 係日本電影中都算好出名下, 相信好多人就算未睇過都聽過.

而多得藥師丸博子, 第一個電影版亦都好深入民心, 再加上原著亦都係出自名家=赤川次郎的手筆.

係咁易介紹下, 原著為赤川次郎的同名小說, 計埋呢一套, 已有4套映像作品, 電影同電視各兩套.

而呢一套卒業是否跟返 水手服與機關槍-卒業呢個後話篇, 就唔知了.



由左上角順時針起~

1. 藥師丸博子 電影版(1981)
2. 長澤MASAMI 電視版(2006)
3. 原田知世 電視版(1982)
4. 橋本環奈 卒業電影版 (2016)

自己就其實麻麻地, 覺得故事太抽離(未睇過原著), 其實都已經唔記得藥師丸版係點睇的, 我估係VHS啩...而跟著田原知世的TV版(1982), 我直頭係最近先知添, 反而TV第二版, 長澤MASAMI就好似睇過下的.

講合理性, 係日本要搵一支前美軍同自衛隊都用過的M3A1, 的確又唔係冇可能, 反而長澤版用MP40, 雖然比起粗製濫造的M3A1, 係視覺上更好, 但就唔知點咁.

好啦, 講返呢套, 自己唔係日系偶像專家(亦甚少睇日劇), 其實對橋本環奈可以話係一無所知, 不過睇落去又幾靚女咁, 米入場睇下.

戲院就冇得揀的, 全港只得一間德福上, 完場重有抽獎, 獎品有橋本簽埋名的原著小說(太遠睇唔到係唔係卒業版), 海報, 另有日本方面的場刊, 同壓軸大獎=1/1橋本環奈紙牌公仔...
都好奇個位幸運兒點樣拎返屋企.

故事上係承接返第一套電影的, 不過又時不時FLASH BACK返上一套的一D事咁啦, 整套片算係順暢咁, 好唔好睇就好個人, 我就一般, 但主題曲一響起時, 都難免勾起一D從前的回憶.

講返主角, 可能係先入為主, 個一句"快感", 暫時真係冇人及得藥師丸版~~~