【機迷那些年】四百幾手提機 重玩珍藏紅白機帶

Cheong448

http://hk.apple.nextmedia.com/su ... 82537342.1462252170

雖然經過廿幾年，但有時玩返童年時玩過的紅白機遊戲，又真會覺得一陣感動。遊戲廠Game Joy剛推出一款配備3.5吋屏幕、外形又幾似當年紅白機手掣的手提遊戲機pokeFAMI Plus，除了有內置92款原創遊戲外，亦可以直插紅白機遊戲帶即玩。顯示屏水準都唔錯，顯示文字時表現實淨，比類似產品要好；而且遊戲機上的十字掣、A/B按鈕手感都幾好，而且還加上A/B按鈕的Turbo掣，需要連打時可以更省力。

除了手提玩法外，pokeFAMI Plus其實都可用上3色線連接電視使用。遊戲機最初公布時曾考慮會加入轉換頭以連接兩個外置手掣去玩雙打遊戲，不過最終設計是只用上Mini USB連上一個尺寸跟原來紅白機手掣相若的手掣，亦只能單打；不過以毋需$500就有得玩，已算唔話得！