《天煞地球反擊戰》VS《天煞地球反擊戰：復甦紀元》

alleelarry

前言
相隔二十年之久，Roland Emmerich 再一次執導《天煞地球反擊戰》，屬於個人首次拍續集的作品，看來大概還有第三集吧了！不管今集好壞，再來的話還是會入場看的！何解？原因好簡單，導演 Roland Emmerich 是個人，除了 James Cameron、Steve Spielberg、Lucas 及 Christopher Nolan 以外，幾乎導演所拍的都有看過！

看後感
入場前的確十分期待，因為看到了不少既舊人都會一一登場，只是少了 Will Smith，就真係有D失望，佢既「另類」既出場方法，實則只是為了交代兒子既登場，正如戲中既爸爸一樣，出場係要有 "Big Entrance"。新人加上舊人，影片又只有120分鐘，兩代交接算是不錯，始於入場前重溫前作，投入度點都高一D，情緒亦可以高漲一D！稍為細心既亦會留意到今集看來是「復活」的 Dr. Brakish Okun，早於二十年前係刻意「留有一手」！今集其實保留了不少前作既特色，例如：地球人與外星人溝通是雖要透過「媒體」；打敗外星人亦只有一個方法，就是「以其人之道，還治其人之身」；花了二十年，外星人還是不了解自己既「弱點」係「邊到」（哈）！




《天煞地球反擊戰》VS《天煞地球反擊戰：復甦紀元》
∇ 電影特技，二十幾年前用既係「模型爆破」，質感相當強。


∇ 電影特技，二十年後有高清畫面，動作流暢既「電腦動畫」，對於看慣了「咸旦超人」既我，還是比較喜歡用「真」模型所拍的特技。


∇ 植入式廣告，係二十年前已經採用，分別在於當時出現的是外國超有名氣既 Coke Cola 同 Reebok，兼且用得相當低調，後者仲要係睇藍光時無意中發現；今趟由國資企業出錢，或多或少的有色眼鏡引起了大家的反感（在此不作詳談，免得成為政治討論），個人認為如果用得低調一D，出來既效果反而更好！還有大家可以思想下，若果少了這種類的資金，電影或許未能如期推出，又或者效果沒有像如今所睇到的討好，畢竟資本世界，導演和演員還是要吃飽飯的吧！


∇ 個人雖然不太喜歡 Angela Baby，除了有個看似砌出黎既臉龐之外，戲真係唔多識去演，但平心而論，有華人參與的話，有總好過無，係本片亦起了淡化「大美國主意」。


∇ 媒體格式，前作還在使用 Laser Disc，THX技術配上 Dobly AC-3音效，進化成如今既 4K Ultra HD配上最新既 DTS:X音效





戲院的選擇
今次係「零」IMAX 場境，但勝在有 IMAX 12 TRACKS，去機場睇的話，聲音質素上有一定既保證。原生有 ATMOS，大院會有一定情度上既優勢，最後選了後者，星影匯早場2D版都只不過是45元，低頻都比以往「全景聲」電影都來得震撼，是混音好還是星影匯曾作出調教，就不得而知。


推薦指數：8/10
(Post76 Android 手機版送出)

mike384

如果樣產品一早係融入係社會, 我唔會覺得佢唐突, 所以QQ又好, 蒙牛又好如果只加係大陸版中, 我完全覺得冇問題.
即係係香港或美國的觀眾, 見到班太空人用FB/TWITTER, 飲COKE一樣姐, 但就算真係用FB, 都唔使大大隻字慌死人唔知佢用緊乜LOR.
廣告係一回事, 呢套戲的手法, 故事都好差下~~~呢樣先係重點.

alleelarry

mike384 發表於 2016-6-27 12:09
如果樣產品一早係融入係社會, 我唔會覺得佢唐突, 所以QQ又好, 蒙牛又好如果只加係大陸版中, 我完全覺得冇問 ...

十分認同手法係有D低，但從商業角度去睇，不同國家版本有對應廣告，就做唔到走出世界呢個效果！

mike384

alleelarry 發表於 2016-6-27 13:26
十分認同手法係有D低，但從商業角度去睇，不同國家版本有對應廣告，就做唔到走出世界呢個效果！ ...

要蒙牛同QQ走出世界, 難度真是不一般的高.

alleelarry

mike384 發表於 2016-6-27 13:45
要蒙牛同QQ走出世界, 難度真是不一般的高.

唔試又點知唔得呢？凡事都有個開頭嘛……

gashapon

我覺得任何廣告都有好壞, 衰d講30秒不停講100次"XX牌牛奶好好味"都叫廣告, 不過就可能會令人反感而減少幫襯啦. 有d就要睇完成個廣告先至知佢賣乜, 引人睇晒. 又好似黎明上次人個咖啡廣告改歌詞自己唱返令到好多人share增加"hit rate", 反應又正面.

我自己覺得電影中的幾次廣告都比較"核突/ 礙眼". 感覺就似同情人行行下街, 大家明明好浪漫好投, 突然有人行埋黎叫你做份關於"性病"的問卷, 明明睇得好投入, 但一show個商品, 即時咩mood都無晒. 比較好的只得一男一女用QQ視訊通話, 傾完果句"thank you for using QQ" (因為事實上用完佢講呢句係好合理). 所以有時都唔太明呢類的sponsor, 佢地有無得傾自己的產品會點樣出現在電影內, 定係佢地以為咁先至叫威. 因為....就等於搵人拍廣告都會度一條好橋先至播出街, 否則效果唔好只會有負面的效果, 講真就算只係比人/ 對手笑都唔好啦.

alleelarry

gashapon 發表於 2016-6-28 14:59
我覺得任何廣告都有好壞, 衰d講30秒不停講100次"XX牌牛奶好好味"都叫廣告, 不過就可能會令人反感而減少幫襯 ...

作為導演大概唔希望有廣告，作為SPONSOR的話，最好由頭到尾都出場啦！係平衡各方利益下，低調一D出來既效果會好D！可惜觀眾既期待往往同廣告高都係相反……的確有點無奈！又好似大家去一個網站，基本上都唔想見到廣告，大多都唔理會背後既運作，沒有收入係難以維持，以前唔明，但加入了76之後，參與多左就明確好多！見多了反而不怪……

ckmpatrick

Not good...

gashapon

alleelarry 發表於 2016-6-28 18:08
作為導演大概唔希望有廣告，作為SPONSOR的話，最好由頭到尾都出場啦！係平衡各方利益下，低調一D出來既效 ...

我明你意思. 用網站做例子, 我絕對唔介意有廣告, 因為如你所說網站都需要sponsor去運作.
不過今次電影中的廣告出現的方式就似當你睇緊某個post時, 突然成個廣告pop up出來阻擋大部份頁面, 而又迫住睇5秒先至可以close o左佢. 雖然實際上又無咩影響, 但觀感上就好差. 睇o左幾次可能唔睇算了.

當然"廣告"只係今集其中一少部份, 最重要都係故事內容好睇.

我早幾日都睇到有報導講導演話第3集會係"星際大戰", 講真都明地球如果又受多次外星侵襲又無新意, 不過如果講到去人地母星反攻佢地, 又已經離開o左"independence day"呢個主旨. (有好有唔好)  

alleelarry

gashapon 發表於 2016-6-29 08:54
我明你意思. 用網站做例子, 我絕對唔介意有廣告, 因為如你所說網站都需要sponsor去運作.
不過今次電影中 ...

始終都要睇下拍成點，FF由賽車罪案到保羅既離開，其實都離開左原先主題……