精益求精 Astell&Kern AK T8iE MkII

alleelarry

由Astell&Kern及Beyerdynamic兩大品牌聯手，第一對Tesla技術的入耳式耳機AK T8iE去年推出市場後，得到玩家們的關注及支持。今年再推出改良型AK T8iE MkII，透過在不同細節的調整，令耳機繼續成為市場上具代表性的耳機。




全新改良線圈
AK T8iE屬第一對使用Tesla技術的入耳式耳機，線圈、振膜設計都相當講究，AK T8iE MkII保留原有的11mm振膜，選用全新的線圈，進一步減少失真，仍然保留原有聲音特質。由於線身非常幼細，製作時需要用上電子顯微鏡作40倍放大，配上非常細小的強力磁石（只有T1的16份之一），更顯德國人的精細造工。此外亦用上全新的MMCX端子，設計時考慮到其他MMCX端子的產品，令端子部分更為耐用，也容易配合其他線材使用，令用家感覺更為可靠。



鍍銀耳機線
新一代換上全新的線材，配上高級的鍍銀線材，導體亦為銀銅合金，帶來純淨的聲音。中間加入Aramid纖維作保護，令耳機有一定柔韌度，線芯外再包上FEP作絕緣，最後包上柔軟的外層物料，令用家可舒服地使用。原裝附上兩條耳機線，除了標準的3.5mm插頭，也有2.5mm平衡插頭，令用家可以配上AK380、AK320、AK300、AK70等播放器使用，獲得更好的聲音表現。




精緻附件
AK T8iE MkII主體在外觀上沒有明顯變化，使用形狀獨特的外殼，耳膠跟之前一樣為前寬後窄的形狀，特別考慮到人體工學而設計，配合「耳甲腔」（耳道對出、外耳中間的部分），令耳機更貼服耳部，原裝附上五種不同大小的耳膠，亦備有三種大小的COMPLYTM耳棉，提供不同的佩戴感。便攜盒頗為雅緻，盒外壓印Beyerdynamic和Astell&Kern兩個品牌的標誌，內部有足夠空間存放耳機之餘，頂部也有小格存放備用的耳膠/耳棉，盒內亦附上印有Beyerdynamic標誌的線夾，讓用家好好在外使用時可好好打理線材。



產品規格
耳機設計：入耳式、封閉
響應頻率：8-48000Hz
阻抗：16Ω
靈敏度：109dB SPL
總諧波失真：<0.2%
線長：1.3m
重量：7g（不連耳機線）
建議零售價：HKD 7,800

wan1984

版主！前作有燒單元、插座有問題，新作會否改善？唔該！
(Post76 Android 手機版送出)

alleelarry

wan1984 發表於 2016-7-3 16:07
版主！前作有燒單元、插座有問題，新作會否改善？唔該！
(P ...

咁大件事？定還是個別事件……。雖然無用過，但經驗話我知呢D問題有時真係要看運氣

jaffeinism

wan1984 發表於 2016-7-3 16:07
版主！前作有燒單元、插座有問題，新作會否改善？唔該！
(P ...

新作米係1版執左DEFECT版

大食怪

jaffeinism 發表於 2016-7-3 19:16
新作米係1版執左DEFECT版

翻新機 , 可能極大 ( 純粹個人推測 , 估下啫 ) , 第一代收回咁多壞機 , 都係一換一比客人 , 不是維修完退回比客 , 加埋正常唔會棄置咁浪費 。

所以 , 第二代個機殼好似都一樣樣啦 !

Pacalet

用過一代，二代驚驚......

johnwong1102

一代我更換了四對！全部消單元！

ozrayyau

alleelarry 發表於 2016-7-3 16:37
咁大件事？定還是個別事件……。雖然無用過，但經驗話我知呢D問題有時真係要看運氣  ...

我老友買咗唔夠一個月燒咗，放低個零月攞返，一日後又死過，換過比佢呢次個盒有貼纸嘅 。

alleelarry

ozrayyau 發表於 2016-7-4 05:53
我老友買咗唔夠一個月燒咗，放低個零月攞返，一日後又死過，換過比佢呢次個盒有貼纸嘅 。 ...

就算有得換，又真係幾煩，耳機要再煲過

大食怪

玻璃美人

收得人幾千蚊 , 咁嘅手工真係有 D 驚訝 !  

希望第二代好 D 啦 , 哩隻耳機好有興趣 , 不過質量問題令我一直觀望到現在 。

一流品牌 , 第幾流工藝呢 ?