《天煞地球反擊戰：復甦紀元》少量劇透影評

gashapon

未講感想前, 先講下自己. 記得睇第一集時自己仲係一個學生哥, 由於細個真係無咩錢, 所以睇戲(好似$30張飛咁上下)對我來說已經是高級享受了. 當年睇呢套電影真係覺得好正. 一來係科幻+外星人, 而且又好多特技(當年技術無咁先進) 雖然大個了再睇會覺得好"大美國主義" 好假 (即永遠都係由美國去拯救世界), 不過當年真係令我加深了對科幻的熱愛. 雖然今次無為了今集而又專登去重溫舊作, 但大致上都記得故事講咩. 不過如果未睇過或唔記得第一集劇情的師兄師姐, 我建議最好都係睇返第一集先至睇第2集. 因為入面都有唔少第一集的reference(例如咩人做過咩事所以依家變成點等等) 我睇到某d情節都唔太記得邊個打邊個. 另外竟然見到Will Smith, 好神奇~~XD (至於佢點出現, 就留待入場時大家自己睇~ XD)

故事講自第一集20年之後, 由於地球在上次的抵抗後吸收了外星科技, 令到科技進步了不少, 更有能力衝出宇宙! 月球有基地 (無記錯連土星都有), 更發展了可以抵抗外星人的防禦系統.

當又去到國慶日之際, 外星飛船又突然出現, 之後當然就係一連串的世界被破壞的畫面, 死好多人唔知點算等等, 另外"新人"同"舊人" 分別想方法解決事件等.

唔知是否需要在2小時內講晒個故事 感覺好多條線都係好急咁去表達. 上一分鐘仲講緊點計劃, 下一分鐘已經打緊了. 令我對一班新人無咩特別的感覺 (似白兵行先死先, 唔死就係因為運氣), 連架mother ship都未睇清個樣(只知道好好好好好好好好好好好大架...) 又已經飛走o左....最有印象都而係 Jeff Goldblum 同2位科學家果邊. 不過都係果句, 好似任何的問題就算幾複雜都可以幾秒就搵到解決方法咁~ 最後以"皆大歡喜"的形式完場. 最後唔多唔少都暗示會有第3集.

可能第一集太"深刻" (包括劇情, 特技等) 所以我對今集的評價只是一般, 如果10分滿分我會比6-6.5分. 扣分的地方係第2集個"方向"同第一集差太遠. 第一方除了show特技之外, 唔多唔少都講"世界大同", 即係大家唔應該再為了一d小事而打仗, 大家同是地球人要和平, 只要同心就可以解決任何困難.
但今集只係講地球人吸收了外星科技而令佢地今次叫做有得打. 無啦啦又植入一d九唔答八的廣告(對劇情無幫忙, 只為show而show), 少了一份"熱血". 成套電影只係大家展示下大家d科技, 加上無啦啦有個"幫手"先至成功. 另外如果外星人侵略地球的目的只係因為"咁" (不劇透) 咁其實佢是但去一個熱d的星球都可以了, 為乜要浪費兵力攻打人. 不過如果一心只睇特技, 唔想理太多劇情的都可以去睇~

alleelarry

睇完再同大家討論……

alleelarry

無記錯的話，土星方面係用對白帶過！