分享第一次DIY 木殼耳筒

twinx

剛剛完成了自己第一個DIY 耳筒, 之前有用開 Beats Executive 同埋 Sennheiser Momentum 聽音其實已經都滿意了, 或者是習慣了, 對於今次做的半開放式耳筒真的有好大唔同感覺呢.

今次訂了對30ohm 的50mm 單元, 再加純銀線黎做接線, 加上木殼耳筒希望可以感受一下木殼的聲音. 不過美中不足是因為沒有長身的 mmcx 母 座, 唯有使用Hifiman的插頭先可以做到, 迫於無奈又要攪多一條Hifiman插頭的線!

聲音真的開揚不少, 應該係純銀線及半開放式的原因, 在室內用耳擴聽真的好細緻及有包圍感. 可以長時間聽也不會辛苦. 但出街聽就慘了. 因為太多雜音入了耳筒, 不過一小時內都還可以呢, 不過出街都係Momentum 可靠一點.

下次有機會希望訂一對300ohm單元, 因為好多人都覺得高ohm的單元推得到的話會靚聲好多呢!

李月肖

ching好手勢
另外GRADO是你!?

Ccs56084342

師兄，Ｄ單元響邊度訂㗎？

twinx

多謝有師兄欣賞, 其實這是寶寶網的Grado 款外殼配件, 買返黎砌積木就可以了, 木殼已經上了力架, 其實外型都幾ok架!
之於單元就係一位朋友在大陸的單元廠度幫我訂的!  就係依對單元先誘惑我去diy個耳筒. 不過價錢比一般寶寶網真的貴好多呢, 近600 人仔一對!
可能好多人都覺得唔低呢, 不過我覺得d聲比momentum更加吸引, 但可能係半開放式嘅影響喔 !

有興趣同時間可以約出黎聽聽架, 我都想聽吓多d其他牌子的耳筒學吓野! 因為無錢買呢......

李月肖

diy有時都係賭搏成分 由期淘寶真係好多假貨 有升級就當執到
我都淘左聲稱金銀線 DIY2.5平行CM線 成本都800元
雖則唔知條線係流定堅 但點都好比原裝線有升級 當住真野先

hiyori

twinx 發表於 2016-6-22 10:40
多謝有師兄欣賞, 其實這是寶寶網的Grado 款外殼配件, 買返黎砌積木就可以了, 木殼已經上了力架,  ...

小弟也有一對以深海的舊單元為基礎，希望可以和師兄交流一下

twinx

係呀, 李師兄, 係淘寶買野我都預咗d野會差d先, 番到黎若果好嘅話會開心好多呢!! 所以唔會買太貴嘅野了.

hiyori, 好呀, 可以有機會約出來互相交換聽聽嗎?

maleo

手工好好！唔知整哂成隻洗唔洗1500蚊?

twinx

多謝maleo 師兄， 如果計埋新訂的耳棉， 真的差不多要1500 人仔呢。
{:9_433:}