對於隔音門窗膠條之用法

ricoy288

見好多師兄都話用左隔音膠條後, 話會有關不上門的情況. 結果都係要拆走佢.
再用不到.

此情況我都試過, 但拆左就少左重隔音, 我點都要用...., 以前用過既有Rex, 3M, 淘寶野甘啦.
當中有D, P, E, W, I... 型, 老實講, 各有各既用處, 因為不同門 la, 會有不同既闊窄, 所以
我每次都會一次過入不同尺寸去搞好條門 la....但要做到隔音，就一定吾好用毛毛或海棉果D.


先不討論佢既隔音效果有幾多, 小弟只可以講用左後, 係出面走廊又真係冇甘應聲既.

過往我都有用此類膠條去貼住四邊門框, 而小弟近排因為換左門鎖,
吾知是否把新鎖既構造同舊鎖有別, 令到師傅裝鎖時移左D位, 出現膠條不會緊貼門,
貼唔實就即係一定冇左隔音效果啦, 甘就大獲, 真係首次被人按門鐘...

甘點....., 唯有重新整過啦.

今次淘左呢幾隻, 聽聞中間有窿既隔音會好D(今之呢隻再多D窿), 我不敢肯定是真定假.
今次用既係矽橡膠，覺得佢密度高D, 軟度都ok, 冇甘易爛，試過密度低果D,
好易拉爛及隔聲冇甘好.

D型既有6mm & 9mm高



I型就 2mm高




小弟一直都係膠條貼門框，以前舊鎖是向下拉果種，基本上用D力，甘就可以關門，
久而久之果D膠條因長期壓住，時間長左佢會比最初用再易D壓平. 易D開關門.

但今次用推拉式鎖，反而好似冇甘易關門，所以裝鎖師傅要就返易關門，搞到條門 la 比以往闊左.

經過嘗試，我改左貼膠隔音條既方式，今次其中有三邊不再貼門框上，我直接將膠條貼係門邊上.
情形就係甘

門鎖果邊



門上方



門底



發覺其實比貼門框更易關門, 當然各人屋企既門 la 都有分別，所以想整既 ching 一定
要自己去試清楚. 搵出最好最適合自己屋企度門既要求. 記住一定要make sure 可以開關門.

仲有，點知是否密封呢?
我既做法就係關晒屋企既窗，之後開抽油煙機（最大抽風量)及抽氣扇, 如大門有風入，即
是仲有 la, 甘就要check下d膠條有冇貼實, 我而家既做法，只是門底有個窿位仍有少許風
入，不過比先前三面入風改善左好多, 接受到已ok啦.

吾好PM我問邊度買, 我知有ching話新填地街都有，而我就係淘返嚟，在淘寶search "窗戶密封條"
都可以搵得到.

吾知其他ching有冇其他既方式去貼呢?

j28

勁呀師兄。

ricoy288

j28 發表於 2016-6-7 08:38
勁呀師兄。

thank you ching,

你又有冇用呢D膠條呢?

ricoy288

想講多少少, 如果淘既, 最好要果D有3M雙面貼果D, 黏力真係好D架.

同我而家係門頂及門鎖邊係用 6mm高既 D型條, 而門底是用 9mm高 D型條再加 2mm高 I 型條去整.

ykluk

288兄你呢個棉條教學帖真係超正超有用~~ 真正用家分享!! {:9_426:}

j28

學嘢。

小寶老豆

... 等我又去淘下先...

貼埋係屋企走廊隻門, 就唔使驚嘈到太座同老細喇...

jason1969

勁小弟又學到嘢

ricoy288

ykluk 發表於 2016-6-7 10:07
288兄你呢個棉條教學帖真係超正超有用~~ 真正用家分享!!

都係等大家可以研究下, 討論下姐...

ricoy288

小寶老豆 發表於 2016-6-7 16:03
... 等我又去淘下先...

貼埋係屋企走廊隻門, 就唔使驚嘈到太座同老細喇...  ...

全方位大包圍