【76送大禮】《紅衣小女孩》藍光影碟得獎名單公佈

lawzelda

alleelarry 發表於 2016-5-31 10:50
實不相暪，小版主都只不過是遊戲主持人，未有睇過呢

但睇番介紹，的確幾吸引下，想知好唔好睇 ...

經歷就冇乜，我諗香港人最多經驗，比鬼壓

amino

我屋企喺地下嗰層嘅！細個嗰陣有幾晚瞓瞓下，比好多好似操兵嘅腳步聲嘈醒左，冇理佢繼續瞓

teddyng637

我想講一個有關《筆仙》嘅真人真事故事。事緣發生於我中學年代，當時我同阿 John (朋友之一) 考試完後離開場地，但我哋各自返屋企途中，我突然有把聲音由後面叫：「Teddy！」好自然地向後望，誰不知，原來當時路上只有我一人聽到，我繼續行，聲音再次出現：「Teddy！係我呀！」我心想誰人呀？我叫 "志威" 呀！我當時真係好驚，無理由有人會知道我心中嘅想法。"志威" 就話，你唔使驚，你見唔到我但你係識得我嘅，我心中千萬個問號？我識你？"志威" 話，你咁快就唔記得我啦？剛剛你同阿 John 考試時我喺點樣幫你哋合格呀！！你記得嗎？我驚到想死，《筆仙》唔會嘅，"志威" 話，你終於記得我啦！我好驚咁問，所有嘢都完啦！你仲嚟搵我什麼事呀？"志威" 話，說來話長，總之由今日開始我會守護你同阿 John 身邊。我唔敢再想，用最快速度去找阿 John，之後，將我所發生嘅事話比阿 John 知，阿 John 話，會唔會因想考試合格而玩《筆仙》而令今日嘅事發生呀？最後，我哋兩個決定去找高人去解救，點知，高人一見到我同阿 John 就話，你哋唔使講，我知發生咩嘢事，你兩個唔可以趕走佢，我即時目定口呆，阿 John 問，點解呀？高人就話，因為前世你兩個係比佢害死，而你兩個可以投胎，做到好兄弟都係命中註定，而佢唔可以投胎就係要償還他生前的業債。但由發生事到今天我同阿 John 出街都會好似三人行咁，但都好似高人咁講，有人暗中保護我哋，有事發生就同我哋擋殺，直至至今。

aaoo

雖然無撞過鬼 但係每逢月尾自己就會化身成窮鬼

thomas2013

有一晚，瞓下瞓下，聽到D收音機聲，但係我放在床頭部收音機冇開到架喎！真係嚇死我囉！

horace_tsang

記得幾年前有一晚發夢中六合彩，好努力記住的號碼，但醒來只記得5個字，於是用5個字串均佢，用咗幾佰元，最後竟然20元安慰獎都無，真係撞鬼。
(Post76 Android 手機版送出)

mrlittlejacky

同朋友去韓國玩，間酒店比較舊，跟足手續拍門襟鐘先開門，打開門一陣霉味，黑忟忟，窗又梗窗，已經灰灰地。當時黄昏，朋友先沖涼再出去，我就邊等邊睇電視，洗手間傳來啪啪聲加韓文嘈交聲，最初以為隔離房，但聲音愈來愈大，走埋去聽，好明顯係洗手間傳出，又以為入便有電視，朋友開住睇。時間係咁過但聲音一直無停，忍唔住去拍門問吓咩事，但無反應，依然韓文嘈雜聲。

等咗成個鐘開始忟再去拍門，今次就直接用韓久回應鬧我，係感覺鬧緊我。開始心寒……等咗個半鐘左右，朋友出番嚟，邊抹頭邊話"行啦！"，我問佢搞乜搞咁耐，佢就話"沖個涼一陣之嘛"，我入去望吓係無電視，再問佢有無聽到咩聲，佢又話無。

佢堅持只係入咗去三個字左右，但我就選擇唔出聲，費時嚇佢，玩完番去我就話開燈瞓，可能自己知有野所以瞓唔到，深夜時洗手間不停有滴水聲，但我就當然無入去探個究竟……

直到番香港先講番俾朋友知，佢勁驚，唔明點解會入咗咁耐，而自己無感覺，其他所有野就只得我一個人感受到……

小弟個人經歷一單……

arcll

試過去泰國旅行時住尾房，櫃桶又有本聖經都㗎話唔驚，成晚仍住有嘢，最後都眼光光到天光，所以結論係入房後唔好亂咁摷嘢自己嚇自己
(Post76 Android 手機版送出)

alleelarry

得獎名單公佈（排名不分先後）：

teddyng637
horace_tsang
mrlittlejacky

恭喜以上三位得獎者！

煩請得獎者在得悉得獎名單後 3 日內以 PM 向本貼管理員發出得獎確認訊息，否則將被視作放棄得獎權利處理。

為方便確認身分，請幸運兒在訊息內明確列名網名、76-FriendClub  會員編號 (如適用)、中英文全名及 電郵地址 (只作收取領獎信之用) 。