香港耳機界之光 - 打贏左台灣仔!

snp386

其實將任可有放射性嘅嘢放近須要用電嘅零件都會做成干擾令佢變聲架啦，只不過係睇變好定變差同個聲改變後啱唔啱自己咁解啫......之不過重點都唔係喺件產品度，而係睇呢套戲嘅發展

hiyori

snp386 發表於 2016-5-28 03:16
其實將任可有放射性嘅嘢放近須要用電嘅零件都會做成干擾令佢變聲架啦，只不過係睇變好定變差同個聲改變後啱 ...

一張野唔洗插電可以持續放出放射性物質或電磁波、紅外線之類，老實講都幾超乎想象，如果係真，咁張貼既本身都應該會好高幅射或者可能好高溫/ 好「活躍」，都咪話唔驚…

yodingdong

hiyori 發表於 2016-5-28 02:17
我自己一直咁睇，一樣野有用，無須神神秘秘，而係會清楚講點解佢有用
例如日本有出過有受JST（國家的資助機 ...

呢類物品放係發聲單元相關位置就有用
加係條線仲有部AMP度我只能呵呵了
再者日本仔嘅"研究"就算理論上真係有提升都好
永遠都唔會見佢敢扯上ABX
可算信可想而知

snp386

唔係呱要插電先有輻射 ...... 喺dynamic periodic table上面嘅物質基本上都會放出輻射，只係多定少，亦即係大多數地球上嘅物質都會帶有唔同嘅輻射

台灣隻喺台灣度搵人代理時我早就試過，不過就唔知係咪同肥仔賢隻係一樣，之不過佢同台灣某啲人關係咁好我諗多數係一樣，呢隻嘢係要喺有電流過嘅地方個干擾先大，可以講係互相干擾，因為電係會流動，同埋電流大細時所產生嘅磁場亦都唔一樣，所以當你貼完貼紙喺 OP-AMP 上面，用唔同大細聲佢所出嚟嘅聲亦都會唔同，就係因為干擾唔同咗，原理就同 OP-AMP 用唔同封裝出唔同聲一樣，同埋你將把間尺磨擦完之後一樣會產生靜電，同埋就同耳機換線會唔同聲一樣，只要 導電率、電容、電感、電阻 值係一樣，一條十蚊同一條幾千嘅線出嚟嘅聲都係一樣，你估真係 OFC 同 什麼幾多 N 線嘅分別咩，所有耳機嘅設計同調音都係基於物理學，唔通真係神學咩，只係用家冇可能問到廠，同埋就算問都唔會答佢，答完真係唔洗做生意囉，只係有啲大廠會做減少一啲會對聲音做成影響嘅干擾

之不過重點聽到有幾大變化就要睇每個人，因為聽到幾多唔係只靠對耳，耳只係一個接收系統，聽到幾多係靠個腦，你有幾多識知就會聽到幾多嘢，連嗰樣樂器嘅發音特性係點都未知就話可以聽到佢有幾靚聲我就真係唔信囉，除非真係有可以將資料植入個腦度啦，所以有時睇到啲 Post 真係幾好笑，其實嗰啲先係真正嘅廣告，估唔到我離開香港個市場十幾二十年就由以前嘅知識變成而家嘅神學同養魚學主導市場知識

不過講返個重重點......呢個 Post 點睇都冇可能係廣告，一睇佢只係喺幾個地方出 Post 就知，因為有人知呢幾個地方有 Facebook 某幾個 Group 嘅人經常睇，借派花生為名而係想反返件事出嚟，因為之前俾人抽水抽到一半件事就不了了之

timmy81

我諗起SONY粒HI RES貼

cyrusp

老實講我都買左四舊水甩cable 小紅貼,開左腦放都分唔出分別。

玩線好過。

班目一角

搞笑....個PO去到邊都有....FB又有

yodingdong

snp386 發表於 2016-5-28 05:34
唔係呱要插電先有輻射  ...... 喺dynamic periodic table上面嘅物質基本上都會放出輻射，只係多定 ...

一早講香港燒友普遍知識係全世界最低沒有之一
另一個係台灣
得閒洗皮幾野落條IEM線度唔得閒學番少少物理

Ccs56084342

hiyori 發表於 2016-5-28 04:15
一張野唔洗插電可以持續放出放射性物質或電磁波、紅外線之類，老實講都幾超乎想象，如果係真，咁張貼既本 ...

Ｄ貼放射出來嘅系遠紅外綫，對人體有益無害，台灣亦有Ｄ類似嘅健康用品比人用嘅。

Ccs56084342

cyrusp 發表於 2016-5-28 10:21
老實講我都買左四舊水甩cable 小紅貼,開左腦放都分唔出分別。

玩線好過。 ...

師兄，可能伱套玩具差左Ｄ，Ｄ貼是將Ｄ機嘅潛能谷出黎，谷到谷５出的話，可能要升級啦！