次品碟重新包裝當新貨賣

Kit2016

今午去太子始x創地庫CDX 買Leslie boxset 其中一只SACD, 女sales 叫Wxn 係收銀台側的房內攪了數分鐘才拿出隻碟，碟身還暖暖的｡ 我已有懷疑，問佢是否全新無開過的？她説：係呀！我出門囗即拆出來睇，隻碟有條長花痕，即刻入去要求換碟。她説這是最後一隻，你揀個隻或等貨來｡我當然要退錢，佢都肯退，但就不肯退我當時用的現金劵｡她態度極差，更説你要投訴我，我不怕。最後要求見經理，另一女sales 當然話經理不在，並即時俾返另一張coupon給我｡ 連鎖店都用這些重新包裝方法來騙消費者，遲早自食其果｡

許諾

呢間店之前係朗豪坊已經服務態度令我怕怕，真係比錢買難受。

Kit2016

許諾 發表於 2016-5-21 21:36
呢間店之前係朗豪坊已經服務態度令我怕怕，真係比錢買難受。

我都成日幫襯依間連鎖店，通常去沙田及鑽石山，這兩間的服務就幾好｡
可能都係個別sales的問題，但翻包次品碟當新碟出售就是極差的誠信問題。

kl122002

我去過太古果間買碟, 佢地都係因為後面果倉另取一張新的. 同樣地只CD都是暖暖地.
果次拆開都唔見花, 聽過又無事.
似乎一些熱門CD佢地大多是由後倉存取

之前又八過下其他CD鋪點樣處理花碟, 佢地大多都係退返俾代理.
只是最後翻packing還是怎樣, 得代理自已知.  

退錢方面如果係細鋪做void 單比較容易, 但大公司的入左system, 又無碟了, 就唔係甘易了.
當時你C兄可以問下有無其他分店可以做transfer, 沒理由其他分店沒stock吧?

至於你話的 re-packing, 其實唔只大店有, 細店都有.
留意下信X地庫一些CD的packing,  用心的會pack得幾好, 同原廠的一樣.  唔用心的會有好多膠邊尾.
特別的例子是電腦遊戲和模型, 有些公司/代理為了省shipping, 是只向店方提供散料, 由店方自已pack.

byingfung

其實大家好多時存在大公司=信得過，這諗法大錯特錯，舉兩個例子，廿年前某大型連鎖店HXX，响沙田嘅分店，就經常重新包裝賣返比d客，點解會咁？因為羊毛出在羊身上，當大家選擇一隻全新未拆嘅CD，到櫃位要求拆開試聽，但最後又唔買。又或者有d完美主義者買完隻CD，發覺CD有輕微小花點點痕跡，要求換貨！試問呢d「被遺棄」CD會退返比唱片公司嗎？梗係唔會啦！重新包裝賣返比d客囉！所以我通常都係幫襯自己相熟，信得過嘅細舖啦！一來同老闆打好關係，留碟都容易d，二來無咁貴，三來老闆會「錫住」d貨，唔會亂比d客嚟試聽或唔比完美主義者經常因「小事」換貨！四來佢自己都知如果重新包裝D貨賣比客，就會比人唱，影響自己舖頭聲譽！至於大公司？就算職員做d野影響公司聲譽又如何？又唔係佢自己生意？比人投訴？大不了辭職！

byingfung

題外話：ching去得始創「CD X」有冇去埋樓上「大X書局」格價？因為以我所知「大X書局」Leslie SACD boxset早排做特價1665元？

byingfung

Delete

Kit2016

byingfung 發表於 2016-5-22 13:58
題外話：ching去得始創「CD X」有冇去埋樓上「大X書局」格價？因為以我所知「大X書局」Leslie SACD boxset ...

我只是想散買boxset 內其中一只SACD。大X書局沒有散賣｡

byingfung

Kit2016 發表於 2016-5-22 17:35
我只是想散買boxset 內其中一只SACD。大X書局沒有散賣｡

明白！ching記唔記得當時隻碟係用類似透明玻璃紙封口？定係用收縮膠封口？如果係前者就應該係原裝(但唔係一定，一樣有奸商可以做到），而後者就肯定係repacking ，憑廿幾年買CD經驗，其實旺角有d舖頭，我知道佢地都會repacking，未必一定係將次貨賣比人，種種原因啦！但我唔方便响度講，以免造成爭抝

Kit2016

byingfung 發表於 2016-5-22 18:01
明白！ching記唔記得當時隻碟係用類似透明玻璃紙封口？定係用收縮膠封口？如果係前者就應該係原裝(但唔係 ...

用熱收縮膜包著，佢在倉內整了數分鐘才攞俾我，碟仍熱暖的｡