那一天........我在一個下午連續睇同一套愛情推理片

SonSon

一直以黎都有睇開日劇習慣, 所以對主流日本電影大多唔會錯過. 某日百無聊賴留意到部日影 - 愛的成人式, 齋睇片名及封面以為係一套普通愛情片, 但吸引我既係佢既宣傳標語 : 令人拍案叫絕的驚人結局, 最後五分鐘保證大快人心, 就係呢句就坐定定個半鐘睇吓乜料子, 片長約100分鐘, 可以話除咗尾後個五分鐘外, 只係一套普通愛情故事 , 鄉下男主角是宅男大學生一名, 初次邂逅女主角主墜入愛河, 到出黎社會工作, 進入繁華都市, 兩人相隔異地, 加上工作上遇上美艷同事見異思遷 , 上演現代陳世美版本..............本來已有心理準備, 加上又有D頓頓哋 , 本來都睇到D蛛絲馬跡, 但當時又唔為意, 點知最後都係比套戲玩倒 , 最後個五分鐘成功將成套愛情故事完全扭轉, 可以話完全解釋緊前個半鐘發生緊乜事, 如果大家有睇鬼眼The Sixth Sense就知我講乜. 就係個五分鐘, 就即時翻睇成套戲, 不得不配服導演功力, 用語言偽術, 剪接技巧等出色咁玩咗一個愛情故事 .








[youtube]4MiCw5R8v9k[/youtube]

日本上映首週新片票房冠軍，票房勇破十三億日幣
純愛X推理　日本超夯百萬狂銷小說改編
我們的故事，請你一定要「看到最後」…


上網揾咗呢套戲好似只係出過中字DVD, 冇出過BD中, 未睇既真係推介比大家, 至於睇咗既..........千奇咪劇透呀

Hon兄當時既影評 :
http://post76.hk/forum.php?mod=viewthread&tid=230885&highlight=%E6%84%9B%E7%9A%84%E6%88%90%E4%BA%BA%E5%BC%8F

Hon

識貨...

絕對係近年幾得意又有趣既電影...

當日响戲院睇已經覺得... 哈哈...

SonSon

Hon 發表於 2016-5-16 07:16
識貨...

絕對係近年幾得意又有趣既電影...

只係我太蠢, 最終都比人玩 不過佢既懷舊風做得好過同期既我的少女時代

Hon

SonSon 發表於 2016-5-16 09:45
只係我太蠢, 最終都比人玩 不過佢既懷舊風做得好過同期既我的少女時代  ...

又唔好咁講, 呢樣正正係你入左套戲至會感受到既.

我响其他FORUM都睇D人話一早估到佢點解, 嗰D人就係投入唔到套戲, 就好似睇魔術一樣, 純粹去諗點破解而唔係投入, 咁就唔叫睇戲LA.


少女時代.... HAHA... 我到依家都FEEL唔到有咩咁好睇, 只係一部劉華電影+抄襲既戲黎.

lkljason

好睇！玩橋玩得唔錯

與我的少女時代唔同野喎，最多只能講係大家都玩懷舊風，其他野我覺得各有各好！

Fabregas

有冇成人電影既場面呢?

Versa

呢套未睇過，真係咁正？巳放入wish list下次訂碟時一拼買埋

SonSon

Hon 發表於 2016-5-16 10:35
又唔好咁講, 呢樣正正係你入左套戲至會感受到既.

我响其他FORUM都睇D人話一早估到佢點解, 嗰D人就係投入 ...

所以老闆問我乜睇愛情片要用腦諗??叫佢當平時一樣就得, 到結局時反而重驚喜......

SonSon

lkljason 發表於 2016-5-16 11:09
好睇！玩橋玩得唔錯

與我的少女時代唔同野喎，最多只能講係大家都玩懷舊風，其他野我覺得各有各好！ ...

片種唔同, 當然各有各好, 只係睇埋片尾解說就知玩懷舊得黎都好認真, 連當時興既小動作都有計算..

SonSon

Fabregas 發表於 2016-5-16 20:05
有冇成人電影既場面呢?

聽聲算唔算.......... 前田敦子同木村文乃成套戲衣著都好密實吓