《喪屍末日戰》「請叫我英雄」漫畫改篇電影 影評

阿定

上星期去左睇優先場，本身都幾鐘意睇呢套漫畫，不過呢期日本漫畫改篇電影真係可以睇到你好開心，又可以睇到你想殺人，有睇過巨人就明我講咩了吧！不過今次真係好好睇，所以特別寫番幾隻字，推介番比大家睇！

有睇過漫畫的人都應該無人會反對大泉洋做男主角，個樣完全一樣，唔知以為先有真人電影，後有漫畫都唔奇，但你無估到電影入面，佢的還原度度可以用100%來型容



漫畫變真人電影，故事有所改動好正常，但完全無影響故事整體構造，無好似巨人同爆漫咁，改到變左另一個故事，劇情爽快，無悶場，吐槽位極多，笑到全場拍手掌位極多，有部份笑位雖然睇漫畫時已有，但由佢地做番一次真人表演出來，比原作更爆笑，特技化妝一流，喪屍絕對唔假，有足夠血腥，但又唔會話好核突，導演呢方面把握一流，兩位女角長澤正美同有村架純戲份其實不多，不過如果你係為睇佢地而入場，應該唔會失望，真人靚過漫畫版咁多，點可能會失望先



呢套戲明天就正式公映啦，睇完美國英雄的朋友，睇埋呢套日本的英雄都唔錯架！

SonSon

呢套日本本土評價唔錯, 但都係等出碟先睇

lkljason

原本都有8成機會會去睇！而家冇得講一定要睇嘞！

vinsckan

真係無話可說，d特技真係超級正，超越左過往喪屍電影（包括荷里活）。好戲超推介！

SonSon

vinsckan 發表於 2016-5-5 22:40
真係無話可說，d特技真係超級正，超越左過往喪屍電影（包括荷里活）。好戲超推介！ ...

幫你手推多嘢，分擔吓你工作：點只荷里活呀，直情係有電影史上最好睇喪屍片，其他電影都要行埋一邊(日本出品除外) 唔睇實超後悔一世

mike384

vinsckan 發表於 2016-5-5 22:40
真係無話可說，d特技真係超級正，超越左過往喪屍電影（包括荷里活）。好戲超推介！ ...

好奇一問, 你有睇過套戲嗎?
拿, 當然有冇睇過套戲都可以評價的, 我只係好奇姐.

Hon

原來係改編故事, 我仲以為係原創添...

今朝睇完, 成個流程唔錯, 係個結局有點兒... 就咁囉, 唔通又係原創嗰隻?

搞到我要搵返套漫畫睇下至得.

阿定

Hon 發表於 2016-5-8 19:12
原來係改編故事, 我仲以為係原創添...

今朝睇完, 成個流程唔錯, 係個結局有點兒... 就咁囉, 唔通又係原創 ...

因為漫畫未完，之後仲有好長的故事要講！

mike384

睇左, 都幾有趣的.

Ahfour

睇完最大感想：原來我每日返工放工啲生活，同喪屍無乜分別⋯⋯