睇戲震到隔離投訢, 點算??

datacoma

香港地幾可有地方冇噪音..
舊屎屋邨樓上樓下互相鬥炸機都係咁啦..香港人本來就係慣左嘈。
不過講到震到入屋，咁就真係惡攪D...
情況就好似一個人係都要戴一隻唔防水既錶落水..
跟住再請教人有乜方法可以令到隻錶唔入水...。
大佬！起樓果陣根本都冇預埋屋與屋之間要有埋互相避震...
先天不足；後天點救？！
所以我覺得除左自律D之外...其他做咩都只係自欺欺人..
唔啱聽？！乜你有試過入去隔離屋感受過有幾震咩？
你都唔知有幾震，咁又憑咩認為所做既所謂改善；係經已做到唔影響人？！
做左野其實只係心理上過到自己，對件事有冇幫助其實又有幾多個會真正了解！
炸機本來就係「我有我自由 唔理你感受」..
想攪倒人又唔會神憎鬼厭？我都想知世事有冇咁完美.....

hiulam

89# datacoma

師兄所言就偏激左D, 雖然我為左一己私欲, 但真係影響到其他人時, 自己都唔好過, 好似我買左塊PIZZA, 目的都係唔想低音直打向地下, 盡量減少對樓下朋友的影響, 反而無諗過對音質會好左, 事實上睇其他師兄報告都話唔覺音質好左, 反正唔加我都好滿意MX250的表現!
我有幸樓上同隔離的朋友同我好熟, 我亦試過開住自己爆開的音量後, 到樓上及隔離屋室內試下影響, 結果係, 純粹低音作怪, 就算開到好大聲而將低音調低的話, 幾乎聽唔到有聲, 但調返高D低音, 樓上梳化真係會震, 隔離屋同樣感到牆身震, 但唔係太誇張, 不過就會聽到少少低音外的聲音, 影響係有, 但真係唔算嚴重, 所以我先安心爆機!
講返PIZZA, 我就FELL到真係對樓下減少左影響, 因為未用之前, SUB仔直接打向地上, 在SUB仔旁邊地板係有好明顯震盪, 但加左PIZZA之後, SUB仔旁地板明顯無震, 所以我深信對樓下一定有減少到影響!

datacoma

89# datacoma

師兄所言就偏激左D, 雖然我為左一己私欲, 但真係影響到其他人時, 自己都唔好過, 好似我買左塊PIZZA, 目的都係唔想低音直打向地下, 盡量減少對樓下朋友的影響, 反而無諗過對音質會好左, 事實上睇其他 ...
hiulam 發表於 2009-11-10 03:22

影響到其他人時唔好過，我相信有公德既人都會。
但師兄你有幸就話同倒樓上隔離做朋友，咁冇幸果D又可以點呢..
係咪走去敲隔離門：
「阿腥就咁既..我就住你隔離，依家準備炸機，可唔可以比我入黎聽下對你有會幾大影響。」咁..？！
同埋人人住既樓質料可能都會有出入，同樣既改善做法亦未必效果一樣。
而傢生唔同相信都有分別，舉例如果你果隻SUB唔係MX250；而只係一隻普通雞雞8吋SUB..
咁可能你連塊PIZZA都可以慳番。
即係你試過安心爆機只係個別例子，朋友同層樓都就啱你遮..
其他冇同鄰居做過家訪既，又點知所做既改善；係咪真係改善得足夠？！
到頭黎你改左人地都係拍上門既話..
唔通你就可以理直氣壯咁講番句：「我盡左人事！」就可以將事情解決？！

既然普遍在實際上比較難得知到底改善左未；而自問經已做左野就繼續炸機既..
咁某程度上唔係自欺欺人係乜呢！(我唔係偏激 我只係講得白D遮)
所以玩AV我會先有心理準備..我炸機，我就預左會乞人憎。
亦因咁我一向都幾循規蹈矩，夜晚九點後我例必開始扭細..即使住我隔離個阿伯係超級撞聾都好。
做個有公德既AV人，我覺得真係知易行難。