帶住矛盾去「機場」睇《美國隊長3：英雄內戰》（零劇透）

mike384

gashapon 發表於 2016-5-9 13:00
咁多marvel電影中我最喜歡的都係iron man 1, 同埋cap 2, 其他的我會"睇過就算" (純粹為了故事連貫性而睇) ...

其實復仇者除了維護世界和平, 都係人一個, 要食飯要去廁所(幻視除外).
而作為人類, 難免有感情用事, 唔理智的時候, 今集都算細緻地描寫各人物的心境, 魔障, 敵人雖然本身唔強大, 但佢馮著毅力, 去將呢d矛盾同證據出黎, 從而挑撥, 而除了佢有意外地誤導左黑豹(扮巴奇係為了搵巴奇出黎, 但順便等黑豹以為巴奇係殺父仇人), 其他事如東尼父母之死都係事實, 美國隊長被東尼質問下話知道件事(呢度我冇留意係幾時, 救出巴奇後?), 卻冇事先話畀東尼知, 雖然話未有機會, 但相信真係私心作動下去隱瞞左.
(後來的表白亦有提及其實係保護自己).
所以敵人係該片只係一條引火線, 真正的炸彈都係呢班英雄的心裡面.
其實我幾喜歡呢個idea, [復仇者被普通人復仇了].

gashapon

mike384 發表於 2016-5-9 16:18
其實復仇者除了維護世界和平, 都係人一個, 要食飯要去廁所(幻視除外).
而作為人類, 難免有感情用事, 唔理 ...

我同意呀, 所以我都比較支持ironman果邊(即係需要有監管)~
始終學你講, 人難免有感情用事, 唔理性, 好似steve為了救佢老友而背棄指令 (其實steve身為軍人, 應該會習慣聽指令行事多d, 反而tony咁 "不羈", 又有錢, 要佢坐定定有d難呢~~) 電影我唔覺得差, 不過我自己又唔會專登睇多次咁啦~

如果用食做例子, 我對marvel的電影好似去食"M記/大X樂"咁, 食就成日會食, 不過又唔會有咩特別要求 , 總之快餐一份, 未入去基本上都知道要食咩同d食物係咩味. 食完俾錢就走, 下次肚餓又去幫襯. 睇marvel電影易入口, 但又唔會對佢有咩要求好食, 好大碟.  基本上去睇都係為了知下故事講咩 (雖然未睇都知2019年果套講咩)

DC就似d小店, 老細有d脾氣, 自己好日都唔會去食下, 就算入去食老細都未必好招呼, 口味又未必啱自己, 真係要食過先知, 或者熟客先覺得好食, 普通人未必食得慣, 可能會覺得貼錢買難受. 不過唔同的小店唔同廚師(director) 出來味道都唔同(雖說來來去去都係batman superman).

mike384

gashapon 發表於 2016-5-10 11:41
我同意呀, 所以我都比較支持ironman果邊(即係需要有監管)~
始終學你講, 人難免有感情用事, 唔理性, 好似s ...

C兄呢個比喻幾有趣, 如果DC係小食的話, 日本漫畫改編個D就係更加偏門的小食了.
DC向來唔係自己杯茶, 但不論添布頓的頭兩集蝙蝠俠或NOLAN的黑騎士三步曲都真係拍得唔錯, 作為電影的可觀性, 娛樂性, 甚至場面都控制得好好, 我喜歡睇呢幾套BATMAN的原因, 除了細膩地描寫BRUCE WYANE的心境外, 佢係好有心機咁去寫反派.
如小丑係DK2對蝙蝠俠所講, you complete me, 一套好睇的英雄片, 又點可以冇一個好的奸角?
我對剛剛上完個套蝙V超最不滿的地方, 就正正係個位演技又唔得別好, 形象更求求其其的奸角...唉
以前不論珍克曼, 或上次的KEVIN SPACEY都比佢強太多了.

gashapon

mike384 發表於 2016-5-10 12:17
C兄呢個比喻幾有趣, 如果DC係小食的話, 日本漫畫改編個D就係更加偏門的小食了.
DC向來唔係自己杯茶, 但不 ...

師兄講出另一重點, 某程度我唔太喜歡marvel的電影就係因為無"大反派". IM1 同 CAP2反派都比較好睇/強, 但其他的就真係"一招KO", GOTG仲搞埋"唱歌跳舞"KO對手...

BvS的Lex真係有點騎呢, 搞咁多野都無一個好明顯的原因 (除非只是嫉妒對手比佢強)

ps: 日本電影我一向麻麻, 成日覺得搵戲做咁~ XD 漫畫改編果d又成日改到九唔答八破壞晒原作精神~~

mike384

gashapon 發表於 2016-5-10 13:43
師兄講出另一重點, 某程度我唔太喜歡marvel的電影就係因為無"大反派". IM1 同 CAP2反派都比較好睇/強, 但 ...

認同呀, 睇返DK三部曲,  從第一集影之集團, 到第二集小丑, 再到第三集影之集團的餘黨(同阿女), 真係好緊湊.
MARVEL D超級壞蛋, 好似THANOS, 集集都係客串幾秒就算, 真正出場要等到2019...
門面派出去的, 如LOKI呢D只落得畀AVG群毆的下場, 真係不成氣候.

日本片呢, 卡通就好LOR, 實體化做電影時要求太高了, 好多時就係過份地避重就輕, 搞到不倫不類, 如早一排的機動警察, 當然我本身就唔LIKE漫畫版, 覺得太HEA好悶, 電影版繼承個悶之餘, 又作了一班新人去打交+槍戰, 好牽強下.

heat

mike384 發表於 2016-5-10 14:01
認同呀, 睇返DK三部曲,  從第一集影之集團, 到第二集小丑, 再到第三集影之集團的餘黨(同阿女), 真係好緊 ...

日本人可以把漫畫及動畫的故事，做到劇烈萬轟，強烈的電影感。但每當拍成真人化電影時往往就變了弱智化，好奇怪!

mike384

heat 發表於 2016-5-11 01:42
日本人可以把漫畫及動畫的故事，做到劇烈萬轟，強烈的電影感。但每當拍成真人化電影時往往就變了弱智化， ...

同一個畫面, 畫出黎同拍出黎, 0係技術同成本上係差好遠的.