各位，，我想買隻隨身耳牛，心頭好有四款，幫手揀揀！

Leofernandohau

首先講咗配置先，都係簡單野，x3k+mojo+sm64
另有hd600配家用美國胆機[忘記咗牌子]同埋一條ie80。而家想買隨身耳筒，都有少少條件：
1筆直$1000-3000
2不要太過難推(如hd600,mojo都推吾哂)
3封閉式(外出隔音)
4可摺疊(易於隨身收藏)

目前睇中咗
V-moda m100
Akg k267
Denon mm400
Focal spirit one

我自己鍾意偏向hifi味重啲，聽歌類型實在太廣泛同埋好鬼雜，基本吾聽classic and jazz,其他如華語流行，英美流行，日韓流行，搖滾同埋少量交響樂。已經試咗m100同埋spirit one,但係揾唔到有得試 mm400 同埋 k267，所以請大家比啲意見。

補充內容 (2016-4-18 02:03):
最好over ear,舒服啲呀嘛

ozrayyau

星期初走去試密封耳牛, 我有木曼頭, Sony 1R mkii, 一隻夾頭, 一隻唔好提。試咗三隻三角嘜, M50x, M70x MSR7, M70x 又干又窄低又少, MSR7 木獨平面, M50x 最好聲

班目一角

好多都話M100...但系森海果隻大聚化2代...都好多人用又唔算難推....好睇要咩....反而我想搵返舊野.....同想安置耳機架

K.L.Tsui

早上個星期行過灣仔電腦城，見到Ultrasone支Performance 880唔使2千

試聽一下，聲底同mojo會幾夾，音質應該都會比你看中的四支好，非常抵玩！ ！

Leofernandohau

ozrayyau 發表於 2016-4-17 06:09
星期初走去試密封耳牛, 我有木曼頭, Sony 1R mkii, 一隻夾頭, 一隻唔好提。試咗三隻三角嘜, M50x, M70x MSR ...

鐵三角口味從來都不是我杯茶，msr7雖然好hit,真係有種話不投機半句多，而三款隨身鐵三角，我都試聽下m70 x,但估吾到你話吾ok.另外1r mkii我未見過，1a同埋z7就聽過，講開又講，其實我心頭好係z7,事原一次機緣巧合下，無情情上咗sony專門店，又甘啱走咗去head phone counter,而無啦啦個z7又突然係我手中，我勉為其難就戴上，音源同埋個setting 係全部設置好唒，係一條好長坑上有十個八個3.5插孔，專門為耳機試聽，咩音源同耳擴就吾知啦，一係吾聽，一聽就吾捨得走，我甘講，佢呢套設備既音色就好似有位年輕貌美，又懂得打扮既靚女同你打眼色一樣，今我瞬間神暈顛倒，無論三頻平衡度，音場闊度，人聲密度，樂感厚度，對於我黎講都好完美，遠勝我家設備，當我正計劃籌備下次將她據為己有時，第二次攞齊自己架撐再試，完全又另一會事，好在當日無衝動上當。

補充內容 (2016-4-18 02:06):
最終買咗！？

Leofernandohau

班目一角 發表於 2016-4-17 17:59
好多都話M100...但系森海果隻大聚化2代...都好多人用又唔算難推....好睇要咩....反而我想搵返舊野.....同想 ...

角兄，森海既話都試聽過吾知1定2,感覺呢次調音偏向中上段，反而中低頻有所減少，都係一貫既森海音場，對於擁有600既我，吸引力不大，就好似集郵一樣，梗係想擁有吾同種類既野先得既。至於m100，比我想象好，聽聞m100個款既調音，有别於m80同埋其他款式，係v-moda收集民意而所調校出黎既產品，我一試之下，非常順耳，低頻好深好有力，量吾算多，所以無乜影響中頻同埋人聲，人聲不遠不近，但係密度吾夠，有顆粒感，型成聽人聲有啲虛，高頻亮麗而不刺耳，分離度不俗，縱向感比橫向感好，所以感覺音場吾闊，但其實吾差，應該係V shape型調音，外殼用比較輕身金屬，吾算好重，最鍾意佢可以摺到好細，方便携帶。不過就吾係我想要嘅口味，略嫌偏解析力素質類，無乜樂感同埋泛音。

Leofernandohau

K.L.Tsui 發表於 2016-4-17 20:05
早上個星期行過灣仔電腦城，見到Ultrasone支Performance 880唔使2千

試聽一下，聲底同mojo會幾夾，音質應 ...

有機會都試下ultra880先得,之前都有試過860，印象中都幾平均，但無乜吸引力，一首歌就放低咗。

ozrayyau

Leofernandohau 發表於 2016-4-18 01:22
鐵三角口味從來都不是我杯茶，msr7雖然好hit,真係有種話不投機半句多，而三款隨身鐵三角，我都試聽下m70  ...

見師兄用 mojo, 所以多口搭嗲。
我本身中意自然中性聲, M50x 我都係試咗兩次先買, 而 M50x 係比較中性, 我都係叫耳機店老細, 試咗 MSR7 同 M50x , 佢話邊隻好聲我就買邊隻, 最後佢揀咗隻平野

班目一角

依家升級睇銀彈做人......之前又手多試左HIFIMAN既X系列....聽落去好正
我都諗住入多隻開放式

hiyori

從師兄的聽感，我最初也想推薦 ATH-MSR7，但看見師兄似乎聽過但不太滿意，我想可能是和Mojo的相性不佳之故
比起focal spirit one，我會建議focal spirit classic，雖然大一點但舒服得多，也有一定程度的可摺疊，沙田和旺角都應該有耳機店有demo可試，聲音方面focal spirit classic會更平衡細膩，應該會夾師兄的需要

另外師兄也可以考慮試一下beyer t51p，雖然已推出了一段時間，但個人覺得這是一對易推，便攜性佳而且聲音平衡得來音樂感良好，在classic的表現亦不錯的耳機，配戴感因為是壓耳式，師兄可試試是否舒服

如果在師兄所選的4隻中選一隻，我會覺得m100應該是比較合師兄的，但可能要在前端做調整，mojo可能會令m100聽起來比較v-shape，或許師兄可找機會試試配m100和不同的播放器看看