《特工爺爺》︰咪玩啦…

粗人敵卡

今次純粹要欣賞洪金寶對打而入場，老實講，幾失望吓…

開頭字幕應該會引起某部分人仕嘅反感(小弟就…算啦唔講)，打後崔東憲(馮嘉怡)黑幫開拖一幕，場面好似王家衛一代宗師加杜sir文雀，拿著傘打交又落雨，小弟已經對呢套戲有少少扣分。劉華個角色基本上係爛仔，搶俄羅斯幫手袋嗰場戲，小弟覺得好兒戲，堂堂俄羅斯幫一支左輪、曲尺等槍械都無，跟著劉華踢崔東憲手下一幕，完全係反高潮。另外戲中房東同洪金寶嗰條「感情線」，好似睇番舊時代港產笑片，好唔浪漫，睇完真係唔知講乜好。稍為好少少係洪金寶同劉華個女，成套戲叫做溫情嘅一條線，不過啲對白令到某幾幕溫情場面引致觀眾失笑。客串方面，最精彩一定係麥嘉、徐克等三條友，一出場搶哂洪金寶風頭。而洪金寶…表現尚可，去唔番之前殺破狼黑幫大佬嘅高度，可能係劇本角色所限。

打鬥方面…唔夠多，最有睇頭係最後洪金寶打俄羅斯幫同崔東憲班手下，無乜精彩對壘，淨係睇洪金寶打到啲人殘廢，招式令小弟諗起之前洪金寶做動作指導嘅葉問，如果想睇類似葉問2宇宙最強同洪金寶嘅精彩對打，好抱歉，成套戲打鬥無一幕比得上。睇到海報嗰句「香港武壇世紀霸戲之作」，睇完心諗咪玩啦…

kl122002

洪金寶老了.
我知道佢可以打, 或者至少都仲可以有動作. 只是甘多年, 悶, 是真的悶.  
如果佢拍下D唔同方向的文戲可能仲有新鮮感.

粗人敵卡

kl122002 發表於 2016-4-4 13:23
洪金寶老了.
我知道佢可以打, 或者至少都仲可以有動作. 只是甘多年, 悶, 是真的悶.  
如果佢拍下D唔同方向 ...

佢之前套龍的心話有突破
但小弟唔敢睇
驚會喊

kl122002

粗人敵卡 發表於 2016-4-4 14:00
佢之前套龍的心話有突破
但小弟唔敢睇
驚會喊

記得之前有套<黃飛鴻之英雄有夢>
睇完真是反白眼.

以前洪金寶後生係可以做下笑話, 大家有得笑.
睇睇下成個人黑臉教父, 真是唔講仲以為是兩個人.

有時年紀大, 係真係要睇年紀做戲. 佢果樣在打戲入面太兇惡了.

粗人敵卡

諗番
同一個人的武林差好遠
兩套劇情都麻麻地
起碼一個人的武林王寶強同宇宙最強最後嗰場
鬥得燦爛

alleelarry

咁堅似《轟天猛將》，有CAST但故事就未必好！

ltho3k

本來唸住睇， 睇完評論，而家多數唔睇。

mike384

睇左, 只有張海報似轟天老將, 因為呢套戲的海報上的人大部份都係閃下就算.
以下係小弟的睇法:
1. 名人友情客串
有大量過氣名人好憬呢套中客串, 但全部可有可無, 除了佢地曾經係名人之外, 可以話冇任何發揮, 搵阿猪阿狗做都得...講句核突D, 呃飯食也.
2. 動作
基本上打鬥主角只得阿洪金寶, 對手就係一眾大咖, 入面亦明顯有講大哥年事已高, 有幾場索性減格數搏大霧.
3. 女主角
細路女唔係大差, 不過未到好出位
4. 製作
外景OK, 但個剪輯...大佬, 你FLASH BACK駛米用到咁盡, 直頭拍SUMMARY咁...唉
一句啦, 爛就未至於, 但亦都未去到[普通]LOR, 好睇就一定冇佢份.

SonSon

有劉華即係...................我必須陪睇

tiggerjason

我絕對不會抱任何期望。因為真的唔須要。若果你哋想睇番全盛時期元家班，一定要睇80,90年代嘉禾一系列電影及黃飛鴻頭三集。我夠膽講，睇完個心仲係度勁 choke.