反射喇叭分享及Klipsch RP-140SA 開箱

Rakehell · 發表於 2016-3-21 14:00

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 Rakehell 於 2016-3-21 14:10 編輯

話說小弟就黎出Bonus，最近又忙到頭到大埋，不如小小地買下野獎下自己。

其實最近先換左surround, 前後級都夠晒玩唔使換，咁多樣野黎講，唯獨隻Atmos Enabled真係唔夠喉，起初隻 Onkyo SKH-410 真係做D天花聲，隨著加隻後級又upgrade呢隻果樣，條條Channel都有提升，隻Onkyo SKH-410就明顯比下去。一於就upgrade左佢先啦。
因不能裝天花喇叭，我特別留意D Atmos Enabled喇叭，現時市面上而家Atmos Enabled最多係呢4個Choice : Onkyo SKH-410, Onkyo D309, Klipsch RP-140sa, KEF R50.
既然我四隻都試過，梗係Share出黎幫人又好，毒人又好，靠害都好。

(價錢各舖唔同，取其平均，講真，岩傾又好 Service，唔好介意差一百幾十啦)

Onkyo SKH-410 (平均~$1,300)
最入門 Atmos Enabled , 唔代表性價比低。$1K野既喇叭你要求高音甜低音勁咩。佢好在細粒，一般放上咩書架，電視上都OK。
有聲有反射，感覺係擴散型，調教好角度後，會聽到係一團聲發出而唔會有一個點發出。
所以想玩下 Atmos 小試牛刀既可以諗下呢對。(考慮到唔係個個都 JBL Array / KEF R900 / Procella)

Onkyo D309 (平均~$3,X00)
進化版，睇單元 Spec 都知呢對係 Onkyo 認真 Mode 研發出黎既。外型其實好似 R50 , 但細D .
聲音都係偏向擴散型，比 SKH-410 清晰仔細，簡單講係 SKH-410 真正加強版。
點解我無考慮呢隻 D309呢 ? 原因係佢夾左響 Klipsch 同 R50 中間 … 下述.

KEF R50 (平均~$5,900)
KEF 既R50，不容置疑係最全面，最有質素，外型最靚仔。
呢對野既效果係有氣氛有仔細，反射出黎既空間感/氣氛最好，其他喇叭真係比下去。
直昇機飛黎飛去既試音碟中，可能做到果種響頭頂"嘈生晒"果個效果. (唔係貶義，直昇機真係大範圍咁好嘈架嘛)
唔計價錢 / 個人取向既話，佢要拎全場冠軍我諗無人反對。

Klipsch RP-140SA (平均~$3,300)
Horn同中音分開，兩單元，一睇就知呢隻係針對方向清晰，隻野好鬼大舊，放響座地上面都佔左七八成面積。
呢對Klipsch Atmos Enabled真係有佢自己個性，同 Klipsch 一樣，埋身/快/狠，
反射出黎既效果竟然真係八成似天花直出，個方向性係真係勝過其他反射喇叭。係聽到有股狠勁而唔係打散晒。
而所有反射最大問題 : 會聽到由喇叭位置發出聲效,打亂埋前置聲效，呢對 Klipsch 都唔覺得有呢個問題。
因為我前三都係 Klipsch , 對又快又埋身既聲情有獨鍾，所以拍板買呢對。

開箱如下，野就唔多講。

開聲之前，諗諗下，要玩反射都唔可以咁Hea，既然我有一對 Atlas Equator Bi-wire，不如玩Double，好過俾條 Supra 2.5啦.

開聲測試 :
我諗大部份帥兄都知，玩反射最緊要最緊要係要Set好角度，唔 set 角度就玩，可能同玩 5.1無分別。
咁我就舞高弄低試左半個鐘，調到自己最鍾意果個位 (個人鍾意唔係頭頂，而係電影機與皇帝位既 1/3 , 比中間更近電視機少少)
再Auto-Cal , 又加大大大大個 DB (同中置比，Setting數值上大 10 DB ... 但我中置由後級出)
試左 :
直升機Demo : D 方向好鬼準，果D好尖既jip jip聲聽落真係好似響天花發出咁，唔似反射出黎散晒。
行雷落雨Demo : 雨聲清晰左，雷聲狠左。
Transformer 4 鋼纜 : 飛機飛過果下真係有股狼勁出黎
睇電視 All Channel On : 好得意，四方八面頭上都有人聲，好鬼過癮，如果第時有鬼片響天花出現實嚇死!

總結 : 如果唔玩得天花 , RP-140 同 R50 一定係有要求玩家既選擇。