新仔想買AV AMP (心儀LX-89)

stepup

Hello 各位師兄~~

屋企用緊yamaha 2.1 soundbar 好幾年, 最近想換個AMP 都加座地喇叭... 見到好多師兄都入左Pioneer SC-LX89... 所以都心郁郁... 買之前有以下問題想問問....

1. 見到某大鋪 (應該信得過) 售價接近16K, 分期唔駛利息, 若一炮過cash 就15左右, 呢個價正常嗎? 旺角友誠/德發果D 有平好多嗎?
2. 見到佢有3個HDMI output, 請問有什麼作用? 係咪可以
     (a) 我在廳睇magicTV 時, 房入面可以睇blu-ray? 又或者
     (b) 廳同房同步一齊睇magicTV? 又或者
     (c) 可否房同廳解像度不同 (廳-4K, 房-1080p)?
3. 請問atoms 個喇叭係點樣去setup 高度? 因為入伙時師傳幫我裝左兩個後置喇叭.... (好似有點兒高....之後換埋sounbar雖然可以駁到成為5.1, 但感覺好似差點.... 所以心諗佢係咪可以當為atoms 高那兩個喇叭)
4. 請問SC-LX89 同SC-LX88係咪兩代唔同產品? LX89 下代機會唔會一兩個月後推出?

希望各位師兄唔好介意我多野問... 感激感激~~~

ericteo

買喇 買啦 我剛入手 睇戲 聽歌 都 好好  又有 USB-DAC 玩



http://post76.hk/forum.php?mod=v ... &extra=page%3D1

HD_2

大鋪 要講價
(Post76 Android 手機版送出)

michael

麻美妹妹，你玩AV好多師兄會幫手呀。

但近日有場PK戰，三大品牌同場比併，你用開的Yamaha完勝，之後就Marantz,  最後先Pioneer…….何不出去試清楚先？

ykluk

1. 價錢唔識答, 有價就講啦~~
2. 多一個output, 係因為你可以出電視, 或者出projector, 或者出房既電視, 但都係同一signal, 唔會同時入2個signal出2個唔同output
3. 就咁講好難明究竟有幾高, 有相望吓會好啲
4. 通常一年既8-9月開始會出新機, 但宜家係新世代音源(atoms/dts:x/auro3D)時代, P記好似要今年9月先出到dts:x, 咁係咪仲會出新機就好難講~~

另, 建議樓主唔好就咁睇post睇人推介就買機, 始終部機係自己用, 去多啲毒氣室試吓唔同機, 鍾意邊部就買邊部, 跟人係無意思, 因為人哋借唔到對耳比你, 最重要係自己玩得開心~~!! {:9_421:}

stepup

感激每一位師兄的回覆... 或者等EASTER 出去望望先~~

thanks !!!