想買旅行用鏡頭，請指教

JamesK

小弟普通用家，只映普通家庭相，現有 NIKON 入門級單反及一支套裝鏡

   18 - 135 MM  

現想買一支鏡頭旅行用，映"人+景"家庭旅行相。有兩個小孩一齊去。

請問各位師兄有甚麽好介紹 ?  

SonSon

如果想買支天涯鏡旅行用, 135mm可能有不足, 可選焦距長D, 例如:18-200或300mm, Nikon自家都有出過不過最好Nikon用家比意見

JamesK

謝謝 Son Son 意見  

titus614

我覺得旅行用既攝影器材最方便一枝標準段例如: 24-70mm & 一部質素好少少既DC傻瓜機 (我自己用Olympus TG-4可影raw又可防水耐撞...) 其實已經好好用~~~再想d相好d加多一支可校角度既閃燈方便有時天陰或者室內補吓光已經好夠用...以前我一家帶埋兩個仔去旅行又定焦又長鏡又標準鏡又閃燈咩埋咩埋得個"揪"字完全enjoy唔到攝影重miss咗好多親子時間...換得鏡嚟已經miss咗好多moment, 而家感覺好輕鬆咩埋個輕身背囊裝嘢之餘同時for有時影合照隨時搵垃圾筒又好搵欄杆搵石頭搵樹木或者隨時即場找個靚位托住部傻瓜機 ( 連腳架都唔洗! )

titus614

SonSon 發表於 2016-3-21 10:44
如果想買支天涯鏡旅行用, 135mm可能有不足, 可選焦距長D, 例如:18-200或300mm, Nikon自家都有出過不過最好N ...

呢d所謂天涯鏡基本上大部分得100mm樓下果段比較接受到, 之後果段影出嚟質素起晒noise化開晒...我自己就唔太建議喇 !

SonSon

titus614 發表於 2016-3-21 14:00
呢d所謂天涯鏡基本上大部分得100mm樓下果段比較接受到, 之後果段影出嚟質素起晒noise化開晒...我自己就唔 ...

要質素當然分開係最好, 但相信樓主依家用緊入門級單反要人又要景要求都唔會太高, 一支好既天涯鏡不失為可行方案

titus614

SonSon 發表於 2016-3-21 14:23
要質素當然分開係最好, 但相信樓主依家用緊入門級單反要人又要景要求都唔會太高, 一支好既天涯鏡不失為可 ...

入門機唔夠ISO用呢d天涯鏡先慘，辛苦托部機去旅行校好晒setting點影都影唔靚又暗又化又起渣更加冇心機攝影，不如用部長焦DC好過起碼輕身d⋯其實我自己回想返以前去旅行用長焦既機會其實唔太多（用得比較多係喺動物園影籠入面動物想飛走淡化個籠框離遠揪埋去影最好用⋯其餘要影遠既嘢同用支標準鏡影完返屋企crop返細質素唔太大分別⋯除非係恆定變焦或定焦長鏡，但價錢一定遠超過呢d天涯鏡頭！以上純粹出於個人用家分享一下俾樓主作參考咋⋯

JamesK

多謝兩位師兄俾意見，好有HEART, 亦好實在，很多寶貴經驗的分享。

收到意見，正在爬文，謝謝 !  {:9_430:}

JamesK

參考過兩位意見，考慮緊呢支

   Nikon AF-S DX NIKKOR 16-85mm f/3.5-5.6G ED VR

中間路線，價格適中，夠輕，口碑都幾好, 相片質素D人話OK。

上網查價錢，唔明白點解行貨同水貨相差咁遠，達40% ! {:9_433:}

請問行貨保養點解咁貴 ? 考慮緊係咪應該買水貨。 {:9_419:}

rlwk2009

依家去旅行基本上長插住一支 10~24