捉蟲 ： 借殼還魂： 殺出一條血路？

Alman

魚骨線 （二）

花了兩個鐘， 用Furutech M11， Iego 紅銅尾終於完成！













取代 P4030， 接 CD player 及 AC Filter


要搵D承托：


老闆在家， 大大聲睇電視， 只好齋煲下先。。。。。

Alman

正式開聲啦

這幾日老闆有病在身放假，點敢放肆？ 唯有細細聲間唔中聽下條魚骨線， 但又怎能試出真章？ 聽感是它與之前的幾條線聲底唔同，尤其在低頻方面。  不過可肯定的是 它更具分析力及屬清勁。

剛才趁有空檔， 以平時音量播了隻炎黃第一鼓的 沖天炮及舟山鑼鼓， 在這幾方面真係過癮：



樂器演奏的層次及距離感極明顯，令之前的線就好似前後貼埋一齊！好sharp的定位及聽多尾音， 鼓聲結實低沉， 連續的鼓聲一粒粒咁。

遲D會試埋其它CD， 再同 P4030 及 Neotech 3001 比較下

Alman

整多條魚骨線

魚骨線的出現， 令小弟想到為何電線總是依從某幾個方式去整， 例如整條線由頭到尾用織／扭埋的方法： 當然有其作用。 但如果一條線有不同geometry又如何？ 起碼唔會冇聲出， 何況之前我等DIY友已經銅銀雜交， 或者用不同的銅， 不同的粗幼整起線來， 並非常過癮 。

魚骨線由多塊木片分開一節節， 假如每截都有唔同整法。。。。。遂有第二條魚骨線

線拆自舊線， 用 Cardas ， Furutech 及 Neotech 散線組成； 木片用了黑檀； 頭尾兩截的兩極線各自扭埋， 中間兩截則有不同織／扭法：









取代大佬插CD機，D聲冇大佬咁猛（可能沒有用平時試音音量之故）， 分析力好似不相伯仲。因而夜深， 不能聽真。 明天實行來個兄弟相鬥

Alman

鹿死誰手？

以下這條魚骨細佬是。。。



不及大佬！！

細佬開聲在分析力等都跟大佬相似， 只是低頻有點臃腫，聲音唔得放。 於是接火牛連續煲幾日幾夜。今日再試， 低頻少了booming。 跟大佬再比較之下， 結果是：高音不及大佬清脆，動態 欠缺大佬的 impact，空間感無大佬咁明顯。 這結果令小弟稍感意外： 似乎單枝銅真係有其特長， 細佬點扭點夾黑檀都幫唔到
這條細佬張會被拆骨， 回歸hook up wires 備用。

本來想把大佬同灌沙白蛇（同是用 Neotech UPOCC 單枝銅）比較， 但白蛇太硬， 屈唔埋去 cd player， 唯有改插AC filter 至牆蘇， 供電比大佬去CD player：





Holly! 有灌沙白蛇之助， 整體音色更細緻， 線條更sharp之餘， 仍保存那份低頻之狠勁。 想 玩線但最後比線玩， 淨係mix and match 已令人頭大。

有魚骨線的例子， 小弟打算跟 Wire World 偷師 （之前拆過其 Aurora）， 用 neotech 單枝銅 + 方芯銅 + 銅箔（做 shielding）再整條偏身線玩下

leojai

太多蛇,頭暈.

Alman

借殼還魂 殺出一條血路？

整開電線一向都是扭或織為主， 可減低電感及 reject noise。 以前的經驗是編織線的效果極佳。 但有些廠家如 已執笠的 Virtual Dynamics 的電線是三極獨立的； 又如 Wire World 的線是偏身， 兩極並排， 所以線的geometry應無絕對或一成不變。

兩三年前把 WW的 Aurora 拆骨， 知道其兩極並排， 火線及中線各自有條水線， 並包以獨立銅箔。 蛇皮一直保存， 今次借助之實行整條平行電線

Aurora


Aurora 皮


VD 電線


採用每極兩支 Neotech UPOCC 14 awg 單枝銅 + 兩條 20 awg 方心銅， 合共 10 awg 一極。 將這四條線塞入 Aurora 皮（已被擋開）， 再把泥膠填入做些damping：


用 teflon tape 紮實：


加水線：


用自溶膠布再扎實：


同佢著番件紫衫， 頭是老tech 鍍金， 尾是 Onix：


取代魚骨蛇駁CD player， 條借殼蛇好硬：


因以晚上九點， 只聽了一隻CD的幾首歌。。。

殺出了條血路嗎？明天報告。。。。

Alman

今天聽了一個鐘借殼線： 同魚骨線有分別, 但不能作準， 因不能用平時音量。 最有印象的是音樂演奏的強弱對比較強， 會覺得某些樂器聲音更突出。唔理咁多， 一於插去火牛煲通宵， 明日再試。

djaddy

Alman 兄咁多年一路繼續進步!贊!
(Post76 Android 手機版送出)

manblood

Alman 發表於 2016-4-18 12:21
借殼還魂 殺出一條血路？

整開電線一向都是扭或織為主， 可減低電感及 reject noise。 以前的經驗是編織線 ...

睇都頭暈，咪話整，，勁呀ching
(Post76 Android 手機版送出)

Alman

djaddy 發表於 2016-4-23 12:55
Alman 兄咁多年一路繼續進步!贊!
(Post76 Android 手機版送出)

謝謝！或進或退， 都是賊佬試沙煲

有時傳統的太悶， 要試下新嘢。

唔知點解出了下圖？。  唔緊要， 小弟喜歡亂中有序